Gaurtik, uztailak 26, indarrean dira Covid19aren pandemiaren hedatzeari aurre egiteko ostalaritzari eta kultur ekitaldiei lotuta, LABIk ezarritako murrizketa neurri berriak, eta aretoen edukiera % 35era mugatzeak Euskadiko areto ugari ixtera behartuko dituela salatu du EZAE Euskadiko Zinema Aretoen Elkarteak. Horregatik, orain arteko baldintzak mantentzeko eskatu diote Jaurlaritzari.
Azken asteetan Nafarroan bildutako inzidentzia datuek joera beherakorrari eusten diote, eta tokiko gobernuak pandemiaren aurkako neurri murriztaileak arintzen jarraitzen du. Besteak beste, kultur ekitaldietako edukiera eta ordutegiak malgutuko dituzte gaurtik aurrera.
COVID-19 birusak eragindako krisialdi eta aparteko egoerari emandako erantzun gisa, Bizkaiko Foru Aldundiko Euskara, Kultura eta Kirol Sailak jakinarazi du dirulaguntzak malgutu eta irizpideak egoera berrira egokitu dituela. Horrekin batera, jarduera kulturalak birprogramatu eta krisiaren ondorioei aurre egiteko laguntza lerro berriak aktibatuko dituela agindu du.
