Iragan asteko Euskal Zinema Dokumentalaren III. Asteari behar bezalako amaiera emateko, bihar, urriak 31, Gasteizko Luis de Ajuria aretoan, Arabako Zinema Dokumentalaren Meeting Point saioa egingo dute. Juanma Bajo Ulloa zinegileak hitzaldia eskainiko du lehenik, eta ostean mahai-ingurua egingo dute Vital Fundazioaren eta APIKA Ikus-entzunezko Edukien Ekoizle Independenteen Arabako Elkartearen ekimenez.