Torturaren Aurkako Egunaren harira, Errenteriako Ozzinema Zineklubak ama-alaba batengan torturak izan duen eragina aztergai duen lana pantailaratuko du, gaur, 19:30ean. Saiora Jon Mikel Fernandez Elorz zuzendaria eta Imanol ‘Kima’ Arzuaga proiektuaren sustatzailea gerturatuko dira.
Urrian Alemanian hainbat saio eskaini ostean, Gipuzkoako eta Bizkaiko zenbait herritan erakutsiko dute, datozen asteotan, Jon Mikel Fernández Elorzek eta Imanol ‘Kima’ Arzuagak sustatutako dokumentala. Gaur bertan, Ataunen egongo da ikusgai.
Has gaitezen datuetatik: 5.657 egiaztatutako tortura kasu, eta 11 hildako. % 2,5 dira soilik ofizialki aitortutako kasuak, eta % 0,9 tortura horien biktima gisa kontsideratutakoak. Guztira, 12 kondena jaso ditu Espainiako Gobernuak. Hotzean eta motzean, latza. Euskal Herrian bada itxi gabeko zauri bat, errealitate bat, 1999an torturatua izan zen Nekane Txapartegi asteasuarrak onartu bezala, tabu bat: “Ezezagunei jasandakoa kontatzea errazagoa da senideekin gaiaz hitz egitea
