Estibaliz Urresola Solaguren zuzendariaren 20.000 erle espezie (2023) lanak Iberoamerikako Aipamen Berezia jaso du Palm Springseko Nazioarteko Zinemaldiko epaimahaiaren eskutik. 2024ko otsailaren 10ean ospatzekoa den Goya sarien ekitaldian izango du loria eskuratu ahal izateko hurrengo hitzordua.
Oskar Alegriaren filmak bi sari berri eskuratu ditu nazioarteko ibilbide betean. Zehazki, DOC NYC eta Florentziako Popoli Zinema Jaialdian goraipatu dute zinemagile nafarraren lana.
Pablo Polledri zuzendariaren eta Uniko euskal ekoiztetxearen Loop lanak Film Labur Onenaren saria jaso berri du New Yorkeko Gold Coast International Film Festival jaialdian. Hartara, ehun sari eskuratzetik gertu dago ikus-entzunezkoa.
David Perez Sañudok zuzendutako Ane (2020) film arrakastatsuak albiste onak pilatzen jarraitzen du hartutako nazioarteko ibilbidean. Berriki ezagutu dugu Tolosako (Okzitania) Zinema Espainiarraren Jaialdian eta Bruselako Bozar zentroko egitarauan parte-hartuko duela.
Ekainaren 4tik 13ra luzatuko den Sheffield Doc Fest dokumentalen jaialdian egingo du Lur Olaizolaren Zerua blu laburrak nazioarteko estreinaldia. Ghosts and Apparitions sailean izango da ikusgai, eta ekainaren 5ean egingo dituzte emanaldiak. Mamaddi Jaunarenaren ibilbidea du aztergai 16 minutuko lanak.
