Euskal Autonomia Erkidegotik kanpo egiten diren merkatuetan, azoketan, ekitaldi profesionaletan, inkubategietan eta laborategietan parte hartzeko ikus-entzunezkoen profesionalentzako laguntzen deialdiaren xehetasunak argitaratu berri du Zineuskadi Elkarteak.
Nazioarteko bidean sendo ari Estibaliz Urresola Solagurenen 20.000 erle espezie filma, herrialde eta jaialdiak konkistatuz. Tolosako (Okzitania) Cinespaña Jaialdian eta HamptonsFilm zinemaldian lortu ditu azken aintzatespenak. Zorionak!
Maria Elorzaren A LOS LIBROS Y A LAS MUJERES CANTO (2022) filmak Gazte Epaimahaiaren eskutik jaso du asteburuan Sardiniako #IsReal jaialdiko hirugarren saria, “kulturak duen paper politikoari buruz hausnartzera bultzatzeagatik”.
Europa Creativa Desk MEDIA Euskadik, Tabakalera eta Donostia Zinemaldiarekin elkarlanean, aholkularitza saioak eskainiko dizkie garapen eta/edo preprodukzio fasean dauden eta nazioarteko bokazioa duten zinema-proiektuen ekoizleei, ekainaren 7tik 8ra bitartean. Sei proiektu aurkeztuko dituzte, orotara.
Maria Elorza gasteiztarraren A los libros y a las mujeres canto opera prima Nantesko Festival du Cinema Espagnol jaialdian lehiatuko da egunotan, eta Uruguaiko Nazioarteko Zinema Jaialdian, Las Palmaseko Zinemaldian eta Buenos Airesko BAFICI-n izango da hurrengo asteetan. Azkenik, apirilaren 21ean, Liburuaren Nazioarteko Egunaren bueltan, estreinatuko da zinema-aretoetan.
Maria Elorza euskal zinemagilearen opera primak Rotterdamgo Nazioarteko Zinema Jaialdian izango du nazioarteko estreinaldia. 2023ko urtarrilaren 25etik otsailaren 5era bitartean ospatuko da IFFR festibalaren 52. ekitaldia, eta Bright Future sailean erakutsiko dute filma.
ICOFF Gasteiz film laburrei eskainitako nazioarteko zinemaldi berria sortu dute Sonia Pacios eta Kepa Sojo zinemagileen eskutik, Vital Fundazioaren laguntzarekin. 2022ko apirilaren 4tik 9ra egingo dute lehen edizioa, Gasteizen.
Euskal Autonomia Erkidegotik kanpo egiten diren merkatuetan, azoketan eta ekimen profesionaletan parte hartzeko ikus-entzunezkoen arloko profesionalentzako dirulaguntza deialdiari dagokion ebazpena argitaratu berri du Zineuskadik. Orotara, 18 enpresa edo profesionalek jasoko dute babes ekonomikoa.
