Hamabi hamarkada bete ditu zinemak, eta hamabigarren ediziora iritsi da Huhezinema Euskal Film Laburren Jaialdia ere 2019an. ‘Zinemak hamabi’ lelopean iaz Euskal Herrian egindako lanen lagin bat izan da ikusgai igaro berri den ekitaldian, eta hamabi sari banatu dituzte horiek guztien artean.
Zinemak hamabi urte beteko dituenean ospatuko dute ere Huhezinema Euskal Film Laburren 12. edizioa. Gaur, apirilak 2, 16:00etan abiatuko dute, Donostia Zinemaldiko Nest Film Students saileko zenbait filmen proiekzioarekin eta, ondoren, Jainkoak ez dit barkatzen lanaren aurkezpenarekin.
BITABE – Bideo Talentu Berriak programa jarri dute martxan Bilboko Dokumentalen eta Film Laburren Nazioarteko Jaialdiak (ZINEBI) eta UPV/EHUko Arte Eder eta Gizarte Zientzietako fakultateek lankidetza akordio baten bidez. 44 proiektu inguru aurkeztu dira lehenego deialdia izan den honetara, eta gaur, ekainaren 14ean, egingo dute lan finalisten proiekzioa eta sari banaketa ekitaldia.
Euskara hutsean egiten den Hego Euskal Herriko zinema jaialdi bakarra da Lekeitioko Euskal Zine Bilera, eta 40. edizio borobila urriaren 14tik 21era luzatuko da. 38 film izango dira ikusgai orotara; horien artean 24 amateurren kategorian lehiatuko dira, eta zazpi profesionalenean. Irailaren 20an, halaber, Jon Garaño eta Aitor Arregiren Handia arrakastatsua eskainiko dute, eta XIII. Kameratoia film laburren rallya ere bertan egingo dute.
