Nafarroako Zinema Dokumentalaren Nazioarteko jaialdiaren edizio berria martxoaren 15etik 20ra egingo dute, eta festibalaren hezkuntza programak soinuaren garrantzia izango du ardatz. Hala, haurrei zein helduei zuzendutako tailerrak eskainiko dituzte jaialdiko egoitza ezberdinetan, eta Susan Schupplik ikertzaile eta artistaren eta Andrew Bush paleoklimatologoaren hitzaldiez gozatzeko aukera izango da.