Donostiako SADE zinema enpresak mendiarekin eta alpinismoarekin lotutako bi emanaldi berezi atondu ditu otsailerako. Oraindik komertzialki estreinatu gabeko Torn (Max Lowe, 2021) eta The Alpinist (Peter Mortimer eta Nick Rosen, 2021) erakutsiko dituzte Trueba aretoan, hilaren 3an eta 10ean.
Nafarroako Filmotekak jakinarazi duenez, ikus-entzunezkoen alorrean gauza asko gertatzen ari dira herrialdean. Izan ere, atzo azaldutako datuen arabera hiru pelikula proiektu eta telebista serie bat gauzatzen aritu dira azkeneko asteetan. Aipatutako lanen artean nabarmentzekoa da Zugarramurdin National Gegographic Channel telebista katea grabatzen aritu dena. Ekoiztetxeak hainbat eszena filmatu ditu Zugarramurdiko sorginei buruzko dokumental baterako: Bloody Tales of Europe (Europako istorio odoltsuak). Beste bi grabazio egin
