Filmen salmentarako dossierrak eta marketina garatzeko trebatze-jardunaldia antolatu du Europa Creativa Desk MEDIA Euskadi bulegoak Tabakalera eta Azkuna zentroarekin lankidetzan. Maiatzaren 11n egingo dute, Bilboko Azkuna Zentroko Iparragirre aretoan, bi saio desberdinetan banatuta.
DA! PRO egitasmoa abenduaren 1etik 4ra arte eta inoizko egitarau zabalenarekin antolatuko dela iragarri dute azokaren arduradunek. Hainbat kultur diziplina landuko dira bertan, tartean, literaturatik ikus-entzunezkoetarako bidean, sortzaileek beharrezkoak dituzten baliabideak aztertuko dituen mintegia.
Gipuzkoako Foru Ogasunak eta Aldundiko Hizkuntza Berdintasuneko Zuzendaritza Nagusiak mezenasgoaren onurez eta aukerez baliatzeko mintegia antolatu dute Tabakalerako 2deo – Euskarazko Ikus-entzunezkoen Laborategian, azaroaren 29an. Goiz osoko egitaraua izango da, eta zabalik da izen-ematea.
EiTBren Erreformari buruzko iritzi eta proposamenak ezagutzeko asmoz egingo diren aurrez aurreko lantegietara bertaratzeko gonbita egin die Eusko Legebiltzarrak ikus-entzunezko sektoreko profesionalei. Toki ezberdinetan egingo dira mintegiak, eta beharrezkoa izango da aldez aurretik izena ematea.
Dock of the Bay musika dokumentalen jaialdiaren edizio berria urtarrilaren 6tik 13ra luzatuko da, Errege egunetik aurrera, astebetez, eta orotara hemeretzi lan eskainiko dituzte Sail Ofizialean (zortzi lan), Perfect Day sailean (zazpi lan) eta Paint it Black Tony Palmer atzera-begirako sailean (lau dokumental). Aldiz, Marley (Kevin Macdonald, 2012) dokumentala izango dute ikusgai Donostiako eskoletako gazteek hilaren 12an egingo duten haiei zuzendutako emanaldian.
Musika dokumentalei eskainitako Donostiako jaialdi ezagunak datorren urteko kartela argitaratu du edizio berrirako hilabete eskas falta den honetan. Ohi bezala, Primo Estudioko Jorge Elóseguik osatu du irudia, baina oraingoan musikaren erritmoa eta mugimendua islatu nahi izan ditu. Edizio berriak hainbat berrikuntza izango ditu, tartean, Musika, irudi eraikitzaile mintegia.
