Urriaren 19tik 22ra bitartean ospatuko dute Hazparnen egin ohi duten euskal zinemaldia, eta bertan, azken hilabete eta urtean aurkeztutako eta oihartzuna izan duten euskal ekoizpenak pantailaratuko dituzte. Musika ere ez da faltako.
Baigorriko Basaizea elkarteak antolatutako Kulturaldia ekimenaren baitan, musika, literatura, antzerki, dantza eta zinema saioak eskainiko dituzte, apirilaren 30eko Nafarroako Egunaren atarian. Ikus-entzunezkoei dagokienez, Azken dantza maisua (Mikel Alvarez Sarriegi, 2022) eta Bolante baten historia (Iñaki Alforja eta Iban Toledo, 2021) dokumentalak proposatuko dituzte, gaur eta bihar hurrenez hurren.
Mikel Alvarez Sarriegik 2022an estreinatutako Azken dantza maisua dokumentalak herriz herriko aurkezpen birari ekingo dio urte berriarekin. Urteko egutegia orain osatzen ari direnez, filma proiektatu nahi duten udal edo elkarteei beren proposamenak egiteko aukera luzatu diete.
