Aurkeztu dute Eusko Jaurlaritzaren ekoizpenerako laguntzen eskabideak aztertu, eta balorazio zein esleipena egiteaz arduratuko den balorazio-batzordea. Bitartean, abuztuaren 8ra arte egongo da zabalik proiektuak aurkezteko epea.
Eusko Jaurlaritzaren gidoien garapenerako laguntzak jaso dituzten proiektuak ekoizleen aurrean aurkezteko foroa da EHGEP Euskal Herriko Gidoigileen Elkarte Profesionalak eta IBAIA Ikus-entzunezko Euskal Ekoizle Burujabeen Elkarteak antolatzen duten Gidoi Ingurua saioa, eta aurtengo edizioa ekainaren 21ean, asteartea, egingo dute Zuatzuko PIA eraikinean, 10:00etatik aurrera.
