Donostia Zinemaldiaren 69. edizioan banatuko diren bi Donostia Sarietako lehena jaso du bart Marion Cotillard aktore frantsesak. Kide eta lagun mina duen Penelope Cruz aktorearen eskutik jaso du golardoa, jaialdiari hasiera eman dion irekiera-ekitaldian.
Heldu da 69. Donostia Zinemaldia! Gaur, irailak 17, 21:00etatik aurrera Kursaal Auditoriumean egingo duten galak emango dio hasiera bederatzi eguneko zinemaren jaiari. Harkaitz Cano idazle eta gidoilaria arduratu da, beste behin ere, saioaren gidoia osatzeaz, Ane Garciak lagun, eta Jon Maya dantzari eta koreografoak zuzenduko du emanaldia. Antolatzaileen hitzetan, besarkadak izango dira aurtengo galaren protagonista nagusiak, Marion Cotillard aktoreari emango dioten Donostia Sariarekin batera.
Donostia hiriarentzat iraila da, zinemaren ikuspegitik, urteko hilabeterik bereziena, eta hilaren 17tik aurrera, Zinemaldia abiatu orduko, ohiko programazioa bigarren mailan geratuko denez, Tabakalerak hainbat saio atondu ditu lehen bi asteetarako. Besteak beste, 69. Donostia Zinemaldiko Ohorezko Saria jasoko duten Marion Cotillard eta Johnny Depp aktoreen film bana proiektatuko dute jaialdia abiatu aurretik, Zinemaldia + Plus programan.
Gaur egungo zinemagintzan nazioarteko oihartzun handienetako duen Marion Cotillard aktore frantsesak jasoko du 69. Donostia Zinemaldiko bigarren Donostia Saria. Irailaren 17an egingo duten inaugurazio ekitaldian bertan emango diote garaikurra, Carlos Sauraren Rosa Rosae. La Guerra Civil film laburraren eta Zhang Yimou zuzendariaren Yi miao zhong / One Second film luzearen emanaldien aurretik.
https://youtu.be/u1TfJLpsW00 Dardenne anaiek iazko Canneseko Zinemaldian aurkeztu zuten Deux jours, une nuit filma dozenaka sari eskuratzeko proposatu dute azken hilabeteetan, eta gaur, martxoak 17, asteartea, Bilboko Fas Zineklubean eskainiko dute, 19:45ean.
http://youtu.be/oXhCaVqB0x0 Pixkanaka, nazioarteko errekonozimendua eskuratzen ari diren Europako Zinema Sariak larunbatean banatu zituzten Rigan, Letonian, eta II. Mundu Gerran Poloniak izandako papera pantailaratzen duen Pawel Pawlikowskiren Ida lanak eskuratu ditu gidoi, zuzendari eta filme onenaren sariak.
