COVID 19aren hedapenak sortutako egoera kontuan hartuta, eta Euskadiko liburutegi publikoek aurrez aurreko zerbitzuak eten dituztenez, Eusko Jaurlaritzak herritar guztien eskura jarri du eLiburutegia. Eskatzen duen orori helaraziko diote edukietara sarbidea ematen duen pasahitza, salbuespen egoerak irauten duen bitartean.
ETBk Margolaria (2019) filma estreinatuko du gaur gauean, euskarazko katean, prime time ordutegian. Oier Aranzabalen lehenengo film luzea da, Mikel Urdangarin musikariari ardatz hartuta, artista baten egunerokora gerturatuko du ikuslea.
Donostia Zinemaldiko Zinemira sailean estreinatutako Margolaria (Oier Aranzabal, 2019) Filmin plataforman izango da ikusgai urtarrilaren 31tik aurrera. Honekin, hogeita hamarretik gora izango dira zinema independentea eskaintzen duen onlineko euskarrian dauden euskarazko filmak.
Euskararen Eguneko egitarauaren baitan, Oier Aranzabal Etxebarriak zuzendutako Margolaria (2019) pelikula ikusteko aukera izango da gaur, 22:00etan, Aita Mari aretoan.
Goya sarien 34. edizioaren prestaketa-lanetan hasia da jada Espainiako Zinemaren Akademia, eta kategoria bakoitzeko hautagaien zerrenda zabala aurkeztu berri du, 146 film, orotara. Horien artean, gurean sortutako hogei proiektu inguru ageri dira uneotan, hala nola, euskaraz ekoitzitako eta Donostia Zinemalditik (iaz zein aurten) igarotako Agur Etxebeste! (Telmo Esnal eta Asier Altuna), Soinujolearen semea (Fernando Bernues) eta Margolaria (Oier Aranzabal).
Euskal ekoizpen garaikidearen lagin bat izango da ikusgai, azaroaren 11tik 14ra bitartean, New Yorken ospatuko den Basque Film Festival zinema jaialdian. Euskal zinema itsasoz bestaldera zabaltzeko baliatuko dute aukera, eta hainbat euskal erakunderen bultzada jasoko du.
Historia, krisiak eta desgaitasuna izango dira Gasteizen ospatuko den Euskal Zinema Dokumentalaren Astearen ardatza. Hilaren 21etik hasita 25era barne egingo dituzte emanaldiak, 20:00etan, Vital Fundazioa Kulturunean. Doako saioak izango dira guztiak.
Zuzendaria: Oier Aranzabal Urtea: 2018 Herrialdea: Euskal Herria. –Sorkuntzaren musika mihisean–
Margolaria Artea, kultura… hein batean sorkuntza izango du ardatz Margolaria filmak. Sorkuntza-prozesua bera, eta bertan parte hartzen duen profesional taldearen bizipenak. Mikel Urdangarin musikaria da protagonista, baina abeslari zornotzarra bidea besterik ez da edozein sortzailek buruan dituen gai unibertsalak jorratzeko: sortzetik bizitzearen erabakia, bokazioa, sorkuntzaren prozesua, porrota, bakardadea edo ospea. Zuri-beltzaren aldeko hautua egin dute filma filmatzerako unean, apustu estetikoa. Alain Urrutia margolariari egindako keinua
Bartzelonako Euskal Etxeak euskal zinemari eskainitako Zinemaldia.cat jaialdiaren 14. ekitaldia antolatu du martxoaren 14tik 17ra. Maider Oleaga bilbotarraren Muga deitzen da Pausoa dokumentala izan da garaile, Azkue Fundazioak babestutako film onenaren sariarekin.
