Donostia Saria jasota, protagonista handienetariko bat izan zen Ricardo Darín iaz, eta aurten ere beste horrenbeste. Izan ere, 66. Donostia Zinemaldia inauguratu duen El amor menos pensado (Juan Vera) pelikulako protagonista nagusia da, Mercedes Moránekin batera. 25 urtez ezkonduta egon ostean banatzea erabakiko duen bikotea osatuko dute biek, hala, zuzendari argentinarraren lehen film luzeak maitasun harremanak eta horien inguruko galderak jaurtiko ditu etengabe. Inongo haserrealdirik