EITBren egoitza nagusiaren aurrean elkartuko dira otsailaren 25ean hainbat sindikatu, eragile eta norbanako, 16:00etatik 16:30era bitartean. Zuzendaritza-postuetan ere dagokion euskara-betekizuna ezartzea eskatuko dute.
Pantailak Euskaraz mugimendua erakunde eta alderdi politiko, streaming plataforma eta banatzaile-enpresekin harremanetan jarri da euren katalogoan jada euskaratutako edukien bertsioak txertatzeaz gain, aurrerantzean, ekoizpen berriak ere euskarara bikoiztu eta azpidatzi ditzatela eskatuz.
Pantailak Euskaraz ekimenak Euskarazko ikus-entzunezkoen aldeko manifestua aurkeztu du Durangoko Azokan. Mugimenduko kideek Irudienea gunean egin dute agerraldia abenduaren 4an, Espainiako Ikus-entzunezkoen Lege Orokorraren tramitazioa ere irakurriz. ZINEA.EUS atariak ere bere atxikimendua eman dio manifestuari.
Eusko Jaurlaritzako Hezkuntza, Hizkuntza Politika eta Kultura Sailak deituta, hamabost herrialde eta eskualdetako ordezkari politikok bilera pribatua egin zuten astelehenean Donostia Zinemaldiaren testuinguruan, hizkuntza ez hegemonikoetan egindako zinema sustatzeko jarraibideak finkatu asmoz. Hala, Glocal cinema: big stories, small countries izeneko manifestua osatu eta aurkeztu zuten atzo.
