Paul Urkijo zinemagile arabarrak ekin dio hirugarren film luzea izango duen GAUA proiektu berriaren filmatzeari. Zazpi astez izango dira lan horretan, Euskal Herriko hainbat tokitan, eta Elorrion buruturiko hartualdien irudiak zabaldu ditu EITBk.
Paul Urkijo zinemagile arabarrak ekin die hirugarren film luzea izango duen GAUA proiektu berriaren errodatze-lanei. Yune Nogeiras, Ane Gabarain, Elena Irureta eta Iñake Irastorza izango dira protagonistak.
Euskal kulturaren aniztasuna eta ikusgarritasuna bermatzeko asmoa duen programaren baitan, azken urteotan euskaraz ekoiztutako film luze eta laburrak erakutsiko dituzte uztailean eta abuztuan. Saioak Ipar Euskal Herriko hainbat herritako plazetan egingo dituzte; sarrera doan da.
Bertako zinemagileen dokumental eta film laburrak ezagutu eta zabaltzeko konpromisoari eusten dio ZINEBI Bilboko Dokumentalen eta Film Laburren Nazioarteko Jaialdiak, eta aurten 30 izango dira, orotara, festibalean ikusgai izango diren euskal zigiludun proiektuak. Bertoko Begiradak atalak, beraz, 22 film labur eta zortzi dokumental luze eskainiko ditu azaroaren 13tik 20ra luzatuko den 62. ekitaldian.
