Zinemaldia Podcast egitasmoaren seigarren atala zinemagile donostiarrari eskaini berri diote. Bestalde, ARTXIBOA webgunean jasotako edukien artean aukeratuta, hilabeteko proposamen berezia ere Ezeizarekin dago zuzenean lotuta. 1977ko Zinemaldian Kubako ordezkaritzaren baitan Ezeizak nola parte hartu zuen jasotzen duen gutuna argitaratu dute.
Sortzaile donostiarrari eta espainiarrari eskainitako saio bana atondu dute hilaren 20rako eta 13rako. Hurrenez hurren, El próximo otoño (1963) eta Cría cuervos (1976) pantailaratuko dituzte.
ZINE: ikerketa zinematografikorako koadernoak aldizkariaren hirugarren alearen jendaurreko aurkezpena egingo dute Beñat Sarasola eta Maialen Beloki egileek. Bertan, Koldo Izagirre eta Antxon Ezeizaren lana izan dute abiapuntu, eta hain zuzen ere, lehenak idatzi eta bigarrenak zuzendutako filma eskainiko dute, Donostia Zinemaldiaren sail ofizialean lehiatu den lehen euskarazko filma.
Musika Dokumentalen Donostiako Jaialdia ekainaren 7tik 12ra egingo dute aurten hiriko Trueba Zinemetan eta Antzoki Zaharrean, eta Sail Ofizialeko epaimahaikideak iragartzeaz gain, film laburren atal berria zein honen epaimahaiko kideak eman dituzte aditzera antolatzaileek.
Tabakalera – Kultura Garaikidearen Nazioarteko Zentroak zuzeneko mahai-ingurua eskainiko du apirilaren 24an (ostirala) bere Vimeo katean. Sara Fantova, Maialen Beloki eta Celia Rico ariko dira hizketan 19:00etatik aurrera, eta filmen erreferenteak, zinema-genealogiak, proiektuak eta pasarte gustukoenak komentatuko dituzte. Saioa Lur Olaizolak gidatuko du.
Ezin ukatu euskal zinemagintzak loraldia bizi duenik. Bada zeri kantatu, eta badugu nori kontatu. Euskal ekoizpenak inoiz bano ugariagoak izango dira 67. Donostia Zinemaldian, eta horren berri emateko asmoz ekin genion atzo Zurriolako Butaka programaren saio-sorta berriari.
Emakume zinemagileen ikusgarritasuna indartzeko asmoz, Noka laguntza-programa aurkeztu du Eusko Jaurlaritzak. Hiru film luze bultzatuko ditu egitasmoak, eta Euskal Herriko eta nazioarteko hainbat aditu eta aholkularien formakuntza jasoko dute.
Maiatzean egin zituzten sasoiko azken emanaldiak, eta udako atsedenaldiaren ostean, astelehenean ekingo dio Kresala Zineklubak denboraldi berriari. Urriko zein azaroko saioak iragarri zituzten atzo egindako agerraldian, eta, horrekin batera, taldearen irudi korporatibo berritua ere aurkeztu zuten.
“Zorionez, esan dezakegu arazoak izan direla ikasleak aukeratzeko”. 2018-2019 ikasturterako eskainitako plaza guztiak beteta ekingo dio Elias Querejeta Zine Eskolak kurtso berriari. Irailaren 19an irekiko dizkio ateak lehen promozioari, Donostia Zinemaldia hastearekin batera.
65. Donostia Zinemaldiko Zurriolako Butakaren azken saioa! Maialen Beloki Donostia Zinemaldiko zuzendariordea izan da lehen gonbidatua, eta aurtengo jaialdiaren balorazioa egin du Inaxio Esnaolarekin (1:40 minututik aurrera). Ostean, Telmo Esnal zuzendariak hartu du parte saioan. Izan ere, Glocal in Progress saria jaso du Zinemaldian Dantza proiektuagatik (26:40 minututik aurrera). Eta saioan parte hartzen azkenak Eñaut Gantxegi ZokorriZta (Hamaika telebista) eta Urtzi Urkizu Berria egunkariko kazetaria
