NIFF – Nafarroako Nazioarteko Zinema Jaialdiaren bigarren edizioa ospatuko dute aurten Meliton Estudioen, La Caixa taldearen gizarte ekintzaren eta Caja Navarra Fundazioaren ekimenez. 2020ko irailaren 3tik 5era egingo dute jaialdia eta ezgaitasuna zein feminismoari buruzko mahai-inguruak antolatuko dituzte.
Badator urteroko zita, Zineako lagunok Durangoko Azokako Irudienea gunean antolatzen dugun mahai-ingurua! Laugarren edizio honetan ‘Animazioa Euskal Herrian: Zer gertatzen ari da?’ gaia jorratuko dugu, eta horretarako, punta-puntako lau gonbidatu izango ditugu alboan abenduaren 6an, 11:00etan, Durangoko Zugaza zinemetan.
“Diskurtso berriak, eztabaida puntu ezezagunak ekarri izanak ematen dio balioa gure zinemagintzari”. Iratxe Fresneda kazetari, ikerlari, irakasle eta zinegilearen adierazpena izan zen euskal zinemagintzaren egoera, ezaugarriak eta lorpenak pixkanaka harilkatzeko abiapuntua, eta ondorengo ordu eta erdian, dozena bat gogoeta eta ikuspegi partekatu zituzten Santi Leoné, Angel Aldarondo, Amaia Serrulla, Zigor Etxebeste eta Fresnedak berak.
Durangoko Azokaren 50. edizioarekin batera ekin genion euskal zinemarekin lotutako gaiak jorratzeko asmoz, Irudienea gunean mahai-inguruak antolatzeari. Aurtengoan, halaber, txanda gordetzeko eskatu diegu Euskaltzaleen Topaguneko kideei, eta abenduaren 8an, ostirala, goizeko 11:00etan hasita, ‘Handia’ efektua: zerk mugitzen gaitu? solasaldia egingo dugu Durangoko Zugaza zinemetan. Gonbidatuta zaudete!
Abenduaren 6tik 10era luzatuko den 52. Durangoko Azokaren aurkezpenarekin batera, gune bakoitzaren programazioa ere aditzera eman dute gaur. Ikus-entzunezko urteko ekoizpen interesgarrienak biltzen dituen Irudienea gunean, halaber, dozenatik gora lan eskainiko dituzte, tartean, Estitxu (Franck Dolosor, 2017) dokumentala eta Handia (Jon Garaño eta Aitor Arregi, 2017) arrakastatsua. Hilaren 8an, gainera, ‘Handia’ efektua: zerk mugitzen gaitu? solasaldia antolatuko dugu Zinea atariko kideok, eta guztiok zaudete gonbidatuta!
Lekeitioko Euskal Zine Bileraren 40. edizioan, (H)emen elkartearekin lankidetzan, emakumeek ikus-entzunezkoan duten presentzia aztertzeko mahai-ingurua egin zuten iragan larunbatean, urriak 21. Olatz Beobide aktore eta zuzendaria arduratu zen saioa gidatzeaz, eta solaskideak Aurora Iturrioz feminista eta Berdintasun Politiketan aditua, Jone Karras kazetari eta zinema zuzendaria, Iñaki Gomez Irusoin ekoizpen etxeko ekoizlea, Maitane Carballo soinu teknikari eta editorea, eta Iban del Campo zuzendaria eta MUko irakaslea
Bihar, urtarrilak 13, ostirala, lau film laburrez gozatzeko aukera izango da Sopelako Kurtzio Kultur Etxean, 20:00etan hasita. Film laburren ostean, mahai-ingurua ere egongo da zenbait gonbidaturekin. Emanaldia doan da gonbidapen bidez, eta gonbidapenak Kurtzion jaso behar dira.
Ostiralean, abenduak 2, abiatuko dute Durangoko Azokaren 51. edizioa, eta urteroko zita garrantzitsuan parte hartzeko eta euskal zinearen alorrean gure hondar alea jartzeko, Euskarazko zinemaren sorkuntza eta kontsumoa mahai-ingurua antolatuko dugu larunbatean, abenduak 3, 15:00etatik 16:30era Irudienea gunean.
