Ekaina hastearekin batera, film laburren ziklo berezia egingo dute, hilaren 15era bitartean, Getxon. Asteazkenero, Bizkaiko jaialdi nagusienetan lehiatu diren lanen erakusketa egingo dute Arrigunaga aretoan (Muxikebarri), 19:30ean.
Gaur, irailak 8, abiatuko dute Deban animazioa ardatz duen Euskal Herriko jaialdirik garrantzitsuena. Sail Nagusian hamar film izango dira lehian, eta horrez gain, Panorama saileko hamabost laburrak, Zuzendari Berriak saileko hamar proposamenak eta lau film luze proiektatuko dituzte eskola magistralekin, Work In Progress saioekin eta hainbat jarduera paralelorekin osatutako egitarauan.
Ekainaren 15etik 20ra bitartean, online bidez ospatzen ari dira animaziozko zinemari eskainitako Annecy jaialdia. Film laburren sailera begira jarri gara, partaidetza euskalduna izango baitu: UniKo ekoiztetxe bilbotarraren eskutik Alberto Vázquezek zuzendutako Homeless Home eta Izibene Oñederraren Lursaguak filmak.
Animaziozko zinemari eskainitako Annecy jaialdiak aurtengo edizioa online egingo duela iragarri du. Ekainaren 15etik 20ra bitartean ospatuko dute, eta film laburren sailak partaidetza euskalduna izango du. UniKo ekoiztetxe bilbotarraren eskutik Alberto Vázquezek zuzendutako Homeless Home lana eta Izibene Oñederraren Lursaguak filmak lehiatuko dira jaialdi frantziarrean.
Datorren osteguna 27an eta larunbata 29an, Kimuak 2019 sortaren publikoari irekitako lehen emanaldiak egingo dituzte Donostian eta Bilbon, hurrenez hurren. Guztira, zazpi sorkuntzek osatzen dute aukeraketa hori.
Lursaguak animaziozko film laburrari esker eskuratu du Euskal Zine Bileraren sari nagusia Izibene Oñederra zinemagile azkoitiarrak. Larunbatean ospatu zuten sari banaketa, 42. edizioari amaiera eman zion ekitaldi jendetsuan.
Abenduaren 5etik 8ra luzatuko den 54. Durangoko Azokaren edukien aurkezpenarekin batera, gune bakoitzaren programazioa ezagutarazten ari dira egunotan ekitaldiaren arduradunak. Ikus-entzunezko urteko ekoizpen interesgarrienak biltzen dituen Irudienea gunea aletuko dugu guk, dozenatik gora lan ikusi ahal izango baititugu bertan.
Bendita tú jaialdiaren 3.edizioa hartuko du Bilbao Arte fundazioak azaroaren 4ean. Emakumeek zuzendutako edota genero-gaiak jorratzen dituzten lanen erakusleiho izango da hitzordua, film laburren emanaldi bikoitzarekin.
Urteko gainerakoak ez bezala, bizia eta jendetsua izan ohi da Zinemaldiko igandea. Hirurogeita hamar proiekziotik gora dituen eguneko programazioan, gozatua da aretoak betetzen direla ikustea. Are gehiago, irrika sortzen duten filmok euskal zigilua badaramate. Narrazio bide konbentzionaletatik at, istorioak kontatzeko modu berriek beren bidea dutela erakutsiz, P2 aretoa bete dute gaur Izibene Oñederra eta Maddi Barberren lanek, publiko aurrean egindako hirugarren emanaldia izan denean. Zabaltegi-Tabakalera
Ezin ukatu euskal zinemagintzak loraldia bizi duenik. Bada zeri kontatu, eta badugu nori kantatu. Euskal ekoizpenak ugariak zango dira Donostia Zinemaldian, eta horren berri emateko asmoz ekin diogu gaur Zurriolako Butaka programaren saio-sorta berriari. Saio bizia izan dugu gaurkoa, gonbidatu eta edukiz josia: Iker Ganuza, Helena Taberna zinegile altsasuarraren 'Varados' filmako ekoizlea izan da lehena, Anabel Arraiza aurkezlearekin solasean; Izibene Oñederraren ‘Lursaguak’ proiektua ezagutu dugu,
