Laura Mulvey Donostian izango da, egunotan
Abenduaren 14tik 16ra bitartean Elías Querejeta Zine Eskola bisitatuko du. Peter Wollenekin batera zuzendutako bi film labur eskainiko dituzte Tabakaleran, eta hitza hartuko du ostean.
Euskal zinema hedatuko du Ibilki dispositiboak, Iparraldean
Euskal kulturaren aniztasuna eta ikusgarritasuna bermatzeko asmoa duen programaren baitan, azken urteotan euskaraz ekoiztutako film luze eta laburrak erakutsiko dituzte uztailean eta abuztuan. Saioak Ipar Euskal Herriko hainbat herritako plazetan egingo dituzte; sarrera doan da.
Zinema Ean egitasmoaren baitan lau film eskainiko dituzte
Apirilaren 14an eta 15ean egingo dituzte emanaldiak, eta guztira, lau film pantailaratuko dituzte, Eako (Bizkaia) Eskolondo aretoan. Sarrera doakoa da, aretoaren edukiera bete arte.
Lur Olaizolaren lana, Salamancako DA2 Domus Artium zentroan aztergai
Lur Olaizola zinemagilea eta programatzailearen obra izango da aztergai Salamancako DA2 – Domus Artium arte garaikidearen zentroan. Maiatzaren 28a bitartean, Visiones Contemporáneas espazioko protagonista izango da donostiarra.
Euskal ordezkaritza nabarmena, L’Alternativa jaialdian
Mikel Gurreak zuzendutako Suro lanak irekiko du zinema independentea goratzeko asmoz Bartzelonan gauzatu ohi den zinema festibalaren 29. edizioa.
Foku berezia eskainiko dio Xixongo Zinemaldiak Lur Olaizolari
Sortzaile donostiarraren hiru film laburrak pantailaratuko dituzte azaroaren 11tik 18ra bitartean gauzatuko duten jaialdiaren 60. edizioaren baitan. Crossroads – Zinemaldia | FICX hitzarmenaren ondorioz, aldiz, 70. Donostia Zinemaldian erakutsi dituzten sei film pantailaratuko dituzte, tartean, Gelditasuna ekaitzean (Alberto Gastesi).
KIMUAK: Euskal zinemagintzaren oraina eta etorkizuna
25 urte bete ditu aurten Kimuak programak. Etxepare Euskal Institutuak antolatutako eta Zineuskadik kudeatutako deialdiak euskal film laburren sustapena eta banaketa ditu helburu, eta aurten, gainera, Nafarroako Foru Komunitateko eta Euskal Hirigune Elkargoko euskarazko film laburrek ere parte hartzeko aukera izan dute. Ekaina hasieran eman zuten 2022ko uztaren berri arduradunek, eta atzo, sorkuntzak elkarren jarraian ikusteko aukera izan genuen, Donostia Zinemaldiaren 70. edizioaren baitan. Eguraldia lagun,
22 film izango dira Zabaltegi-Tabakalera Saria irabazteko lehian
Hamahiru film luzek, film ertain batek eta zortzi film laburrek osatuko dute estilo edo denborarik ezartzen ez duen Donostia Zinemaldiko sail irekiena. Tartean, KIMUAK 2022 programaren parte diren Hirugarren koadernoa (Lur Olaizola) eta Cuerdas (Estibaliz Urresola) erakutsiko dituzte.
Ihes puntua zikloa ‘Badlans’ filmak abiatuko du, gaur, Tabakaleran
Terrence Malick zinemagile estatubatuarraren opera primarekin ekingo diote uda garairako atondu duten eskaintzari, eta abuztu bukaera arte luzatuko da. Tartean, zinema garaikideari buruzko ikastaroa burutuko dute Medialaben.
Zazpi film laburrek osatuko dute 2022ko Kimuak hautaketa
Fikzioa eta dokumentala izango dira nagusi Kimuak egitasmoaren 2022ko katalogoan. Hiru dira euskara hutsean filmatutakoak, gainerako laurak gaztelaniaz. Halaber, sei emakumezkoek zuzendu eta ekoiztu dituzte.
