Lehen mailako hezkuntzako eskolei euskarazko animaziozko filmak eta laguntza pedagogiko egoki bat eskaintzeko asmoz sortutako Zineskola ekimena 2021-2022 ikasturtean bueltatu egin da. Hiru film eskaini dizkiete 73 ikastetxeko ikasleei, 11 zinema aretotan.
Ipar Euskal Herriko lehen mailako hezkuntzako eskolei euskarazko animaziozko filmak eta laguntza pedagogiko egoki bat eskaintzeko asmoz sortutako Zineskola 2021-2022 ikasturtean bueltatu egingo da. Parte hartu nahi duten irakaslentzako deialdia zabaldu du Euskal Kultur Elkarteak, eta interesatuek 2021eko azaroaren 17ra arte dute izena emateko aukera.
Gaur, irailak 8, abiatuko dute Deban animazioa ardatz duen Euskal Herriko jaialdirik garrantzitsuena. Sail Nagusian hamar film izango dira lehian, eta horrez gain, Panorama saileko hamabost laburrak, Zuzendari Berriak saileko hamar proposamenak eta lau film luze proiektatuko dituzte eskola magistralekin, Work In Progress saioekin eta hainbat jarduera paralelorekin osatutako egitarauan.
Elkar Fundazioak urtero banatzen ditu Ibilbideari saria, eta bi urtean behin, Joseba Jaka bekarekin txandakatuz, Proiektuari saria. Bada, 2021eko irabazleak Bertsozale Elkartea eta Lotura Films ekoiztetxea izan dira, hurrenez hurren. Bigarren honek Lur eta Amets (Imanol Zinkunegi eta Joseba Ponce, 2020) filma eta telesailagatik, baina baita haiek hedatzen jarraitzeko asmoagatik ere, lortu du aintzatespena.
Oihaneder Euskararen Etxeak eta Montehermoso Kulturuneak indarrak batzea erabaki dute aurtengo Gabonetan haur eta gazteei euskarazko zinema eskaintzeko. Urtarrialaren 2tik 5era lau lan proiektatuko dituzte, bakoitza bi alditan, eta gonbidapenak eskatu beharko dira saioetan izateko.
Durangoko Udalarekin sinatu berri duen akordioari esker, haurrentzako euskarazko zinema eskaintza zabala egingo du Zugaza zinema aretoak. Lau emanaldi izango dira orotara, abuztuaren 24an, 26an, 31n eta irailaren 2an, guztiak doakoak.
Otsailaren 21ean ekingo dio Zinemaldia.cat euskal zinema jaialdiak 15. edizioari. Martxoaren 1a bitartean, 11 film luze (horietatik zazpi sail ofizialean) eta hainbat film ertain emango dituzte Bartzelonako Euskal Etxean, Hizkuntza Eskola Ofizialean eta Cinemes Girona aretoetan.
Lur eta Amets anai-arreben abenturak Gasteizen egongo dira ikusgai asteburuan. Gaur eta bihar Florida zinemetan pantailaratuko dute Lur eta Amets filma, 12:00etan.
Lur eta Amets Lur eta Ametsen gurasoek ezkontza bat dute asteburuan, eta bikiak Andere amonaren zaintzapean utzi dituzte. Tximista batek etxeko argiak itzali ditu. "Joango al zarete ganbarara argia piztera?" esan die amona Anderek. Baltasar katua lagun, abentura ugari biziko dituzte amonaren baserriko ganbaran. Euskal Herrian zehar bira egin ondoren, zinema areto nagusietara helduko da Joseba Ponce eta Imanol Zinkunegik zuzendutako aurrentzako animaziozko film hau.
Otsailaren 7an estreinatuko dute zinema aretoetan Lur eta Amets filma, baina aurretik, Euskal Herriko hainbat txoko zeharkatuko dituen ikuskizun bira berezi bat prestatu dute sortzaileek.
