Durangoko Udalarekin sinatu berri duen akordioari esker, haurrentzako euskarazko zinema eskaintza zabala egingo du Zugaza zinema aretoak. Lau emanaldi izango dira orotara, abuztuaren 24an, 26an, 31n eta irailaren 2an, guztiak doakoak.
Tinko Euskara elkartea eta Irudi Biziak taldearen ekimenez, Zinema Euskaraz egitasmoa jarriko du martxan Bilboko Udalak. Hari esker, euskarazko hamasei film proiektatuko dituzte Bilbo inguruko Lehen eta Bigarren Hezkuntzako hainbat ikastetxeetako haurrentzat.
Zineuskadik bultzatutako Zinema Euskaraz programari esker, Luis eta estralurtarrak animaziozko film alemaniarra euskaraz ikusteko aukera eskainiko dute Euskal Autonomia Erkidegoko eta Nafarroako zinema-aretoetan. Abenturazko filmak laguntasuna eta ezberdin direnen arteko errespetua bultzatzen ditu, besteak beste. Luis eta estralurtarrak filmak hiru estralurtarren laguna egiten den 11 urteko haurraren istorioa kontatzen du. Euren objektu hegalari ezezaguna Luis izeneko mutikoaren etxean lurreratuko da, eta estralurtarrek Luisen laguntza beharko
