Bagera Elkartearen Zineforumaren baitan, Vincent Van Gogh margolari herbeheretarraren omenezko Loving Vincent (Dorota Kobiela eta Hugh Welchman, 2017) animaziozko filma emango dute otsailaren 23an. Saioa Donostiako Lugaritz Kultur Etxean izango da, 18:30ean.
Ohiko ziklo eta ataletatik kanpo, emanaldi bereziak atontzen ditu hilero Nafarroako Filmotekak, eta maiatzeko programazioari dagokionez, bi izango dira gai zehatzei lotuta ikusgai izango diren proposamenak. Gaur bertan, maiatzak 13, osteguna, César Fernández Ardavin zinemagileak 1965ean aurkeztu zuen Camino de Santiago eskainiko dute, Done Jakue Bidearen Nafarroako Lagunen Elkartearekin batera antolatutako jarduera zikloaren baitan.
2021. urteko eskaintza berriari bide eman dio jada Filmazpit katalogoak, eta dokumental bat, bi animaziozko film, bi drama sozial eta beldurrezko film laburren bilduma bat gehitu ditu eskaintzen liburuskara. Aurrerantzean, interesa duen ororentzat izango dira filmak eskuragarri, kosturik gabe proiekzioak antolatzeko.
Oihaneder Euskararen Etxeak eta Montehermoso Kulturuneak indarrak batzea erabaki dute aurtengo Gabonetan haur eta gazteei euskarazko zinema eskaintzeko. Urtarrialaren 2tik 5era lau lan proiektatuko dituzte, bakoitza bi alditan, eta gonbidapenak eskatu beharko dira saioetan izateko.
Three Billboards Outside Ebbing, Missouri (Tres anuncios en las afueras) Joan zen asteburuan drama onenaren, emakumezko aktore onenaren (Frances McDormand) eta taldeko gizonezko aktore onenaren (Sam Rockwell) Urrezko Globoak irabazi zituen Martin McDonaghek idatzi, zuzendu eta ekoitzitako film independente amerikarrak. Mildred Hayes da protagonista; bere alaba Angela bortxatu eta hil egin zuten duela zazpi hilabete, baina herriko polizia agenteek ez dute oraindik erruduna topatu. Horregatik,
