J.A Bayonak jasoko du 2019ko Fantastikoaren Izarra saria

Inoiz baino bereziagoa izango da 2019ko FANT – Bilboko Zinema Fantastikoaren jaialdia. ‘Ezusteko asko’ eta ekitaldi berezi andana iragarri dituzte antolatzaileek zilarrezko ezteiak ospatuko dituen jaialdiaren edizio berrirako, gutxika, ekitaldia hurbildu ahala, aletzen ari direnak. Berriki jakin dugu, esaterako, J.A. Bayona zuzendariari emango diotela Fantastikoaren Izarra ohorezko saria.