Europa Creativa Desk MEDIA Euskadi bulegoak eta Tabakalerak film luzeen eta dokumentalen proiektuen gidoiak idaztera bideratutako tailerra egingo dute otsailean, Miguel Machalski gidoi analista ospetsuaren gidaritzapean. Donostiako Nazioarteko Kultura Garaikidearen Zentroko ikus-entzunezko laborategian izango da, hilaren 10ean eta 11n.
GIDOI – Euskal Herriko Gidoigileen kolektiboak eta CAOSTICAk elkarlanean atonduriko ‘Ikus-entzunezkoen eta Adimen Artifizialaren Jardunaldia’ hartuko du Bilboko BBK Aretoak datorren urriaren 15ean. AAren erabilera posibleak eta honek zineman izan dezakeen inpaktu sozial eta etikoa izango dira aztergai.
Kameleoiak gara! programaren egitarauaren baitan, Laban mamu txikia. A ze beldurra! (2006) filmaren proiekzioa eta haurrentzako lantegia hartuko ditu igandean, urriaren 6an, Donostiako Tabakalerak. Bi urtetik gorako haurrentzat gomendaturiko ekimena da honakoa, eta jarduera berezituak diren arren, tailerrean parte hartzeko ezinbestekoa da filma lehenago ikusi izana.
Gipuzkoako kultur eragileei zuzendutako Nola justifikatu eta ebaluatu zure kultur proiektua formakuntza-saioa erraztuko du KBulegoak, datorren irailaren 19an. Donostiako Santa Teresa Komentuan egingo dute saioa, euskaraz, Enara Garcia KBulegoko kide ohiak gidatuta.
Euskal Herriko queer memoriaren inguruko sorkuntza zinematografikoa bultzatzea helburu duen lantegia hartuko du Tabakalerak. 10 parte-hartzaile hautatu dituzte, eta bakoitzak hamar minutuko iraupena izango duen film labur bat egingo du, Euskadiko Filmategiak utzitako artxibo materialetatik abiatuta.
Ekainaren 28an, Mundu narratibo birsortzaileak idazketa-tailerra eskainiko dute Lucy Stone eta Gustavo Montes de Ocak Tabakaleran. Aipaturiko mundu narratibo horien eraikuntza dagoeneko hemen dagoen etorkizunaren adibideetan oinarrituko dute.
Memoria lotsagabea sorkuntza-lantegia. 10 parte hartzailek gehienez hamar minutuko iraupena izango duen film labur bat sortuko dute, Euskadiko Filmategiak utzitako artxiboko materialetik abiatuta. Besteak beste Aitor Gametxo eta Tamara Lucarini Cortés izango dituzte tutore.
Tekno Fantasy lantalde irekia egiten ari den argi eta proiekzio ikuskizunetarako tramankuluak sortzeko prozesuaren barruan, kamera gabeko animazioarekin esperimentatzea helburu duen lantegia egingo dute gaur, ekainak 11, Donostiako Tabakaleran. 17:00tan finkatu dute hitzordua, Medialab laborategian.
Tabakalerak eta Europa Creativa Desk MEDIA Euskadik elkarlanean antolatuta, ikus-entzunezkoaren profesionalak kazetariekin eta algoritmoekin nola harremandu ezagutzeko eta horretarako bideak arakatzeko prentsa lantegia eskainiko dute Maria Guerrak eta Mariaje Gonzalezek. Datorren ekainaren 20an egingo dute saioa, Tabakaleran bertan.
Gipuzkoako kultur eragileei zuzenduriko Nola egin aurrekontu bat. Garatu zure proiektua finantzatzeko plana formakuntza saioa erraztuko du KBulegoak, datorren maiatzaren 9an. Donostiako Santa Teresa komentuan egingo dute hitzordua, goizez, Jemima Cano kultur ekoizle eta kudeatzaileak gidatuta.
