Eusko Jaurlaritzak erabaki du ‘Kulturako langileentzako programa’-ren bidezko laguntzak eskatzeko epea luzatzea. Lanbidek eta Kultura eta Hizkuntza Politika Sailak bultzatutako deialdi honetara aurkezteko epea maiatzaren 12an hasi zen eta datorren hilaren 25ean amaitu behar zen. 5 laneguneko luzapenari esker, epea ekainaren 1era arte luzatuko da.
Eusko Jaurlaritzako Gobernu Kontseiluak apirilaren 28ko bilkuran onartu du kulturako langileentzako ezohiko diru-laguntza deialdia. Ohiko jarduera Alarma Egoeraren ondorioz eten behar izan duten sortzaileak laguntzera bideratutako programa da, eta Lanbidek eta Kultura eta Hizkuntza Politika Sailak sustatuta, 2,5 milioi euroko aurrekontua izango du.
Lanbidek eta Kultura eta Hizkuntza Politika Sailak ‘Kulturako profesionalei laguntzeko programa’ aurkeztu dute, COVID-19aren ondorioak jasan dituzten kulturaren arloko langileei babes ekonomikoa eskaintzeko asmoz. Aurreko urteko errenta aitorpenean aitortutako diru-sarrera garbien hileko batez bestekoaren% 70 jaso ahal izango dute.
