Eusko Jaurlaritzak 2025eko ekitaldian ikus-entzunezko produkziorako diru-laguntzak emateko deialdia argitaratu du. 8.828.000€ banatuko dira, film luzeak, film laburrak eta serieak ekoizteko, aurreko ekitaldian baino 1,5 milioi gehiago.
156.000 euro bideratu dituzte deialdian. 12 eskatzaile izan dira onuradunak, 7 euskaraz idatzitako gidoietarako; aukeratutako proiektuetatik zazpi emakumeek sinatutakoak dira.
Kultura eta Hizkuntza Politika sailak 24,5 milioi euro bideratuko lituzke sorkuntza sustatu eta talentua garatzeko. Zehazki, 5,7 milioi eurorekin ikus-entzunezkoen alorrean garapen eta ekoizpenerako deialdiak indartu nahi dituzte.
Euskal Autonomia Erkidegotik kanpo egiten diren merkatuetan, azoketan eta ekimen profesionaletan parte hartzeko ikus-entzunezkoen arloko profesionalentzako laguntza-deialdia aurkeztu du Zineuskadi Elkarteak, Eusko Jaurlaritzako Kultura eta Hizkuntza Politika Sailarekin elkarlanean.
Pantailak Euskaraz mugimendua erakunde eta alderdi politiko, streaming plataforma eta banatzaile-enpresekin harremanetan jarri da euren katalogoan jada euskaratutako edukien bertsioak txertatzeaz gain, aurrerantzean, ekoizpen berriak ere euskarara bikoiztu eta azpidatzi ditzatela eskatuz.
Eusko Jaurlaritzak 336.159 euro banatuko ditu Europako edota Latinoamerikako zinema erakusten duten ekimenen artean. ‘Beste Bat Berritzen’ deialdian eskaera egin duten 16 programa izango dira onuradunak.
Eusko Jaurlaritzako Kultura eta Hizkuntza Politika sailaren kultura-sorkuntzarako diru-laguntza deialdiaren aurtengo araudian, zinemarako gidoien atalean, dokumental eta telesailen gidoien sorkuntzari zegokion atala ezabatu dute. Horren aurrean, Kulturaren Sustapenerako zuzendari Aitziber Atorrasagasti Calcedori zuzendutako gutun irekia prestatu du ikus-entzunezko sektoreko norbanako talde batek, eta haien eskaerarekin bat egiten duen orori mezua sinatzeko aukera eskaini diote.
Eusko Jaurlaritzak erabaki du ‘Kulturako langileentzako programa’-ren bidezko laguntzak eskatzeko epea luzatzea. Lanbidek eta Kultura eta Hizkuntza Politika Sailak bultzatutako deialdi honetara aurkezteko epea maiatzaren 12an hasi zen eta datorren hilaren 25ean amaitu behar zen. 5 laneguneko luzapenari esker, epea ekainaren 1era arte luzatuko da.
Eusko Jaurlaritzako Gobernu Kontseiluak apirilaren 28ko bilkuran onartu du kulturako langileentzako ezohiko diru-laguntza deialdia. Ohiko jarduera Alarma Egoeraren ondorioz eten behar izan duten sortzaileak laguntzera bideratutako programa da, eta Lanbidek eta Kultura eta Hizkuntza Politika Sailak sustatuta, 2,5 milioi euroko aurrekontua izango du.
