Ortzaizeko Herriko Etxeak eta EKE – Euskal Kultur Erakundeak antolatuta, zinema saio berezia eskainiko dute gaur, Ortzaizeko (Nafarroa Beherea) zinema aretoan. 20:00etan hasita, bertako biztanleen testigantzak biltzen dituen emanaldi egingo dute lehenik, eta Lur Olaizolaren Zerua blu (2020) film laburra proiektatuko dute gero.
Maixabel filmak irabazi du Nantesko Festival du Cinéma Espagnol jaialdiko Julio Verne sari nagusia. Ikus-entzuleek ere Iciar Bollainek zuzendutako lana nabarmendu dute, eta Uniko ekoiztetxe bilbotarraren Loop animaziozko lana izan da film labur onena.
Nantesko Festival du Cinéma Espagnol jaialdiaren baitan 15 euskal ekoizpen erakutsiko dituzte martxoaren 8tik 20ra bitartean. Festibaleko sail ofizialetan lehiatuko diren lanez gain, Etxepare Euskal Institutuaren babespean, Fenêtre Basque atalean Eukal Herrian ekoiztutako film luze eta labur onenak ezagutzeko aukera egongo da, tartean, Kimuak bildumako lanak edota Hondar ahoak telesaila.
KIMUAK 2021 katalogoan hautatu dituzten film laburren lehenengo emanaldi publikoak egingo dituzte datozen egunetan. Urtarrilaren 20an, Gasteizen; hilaren 21ean, Donostian; eta hilaren 22an, Bilbon, fikzio, lan-dokumental, animazio eta genero esperimentaleko zortzi lanak proiektatuko dituzte.
Mel Arranz gasteiztar gaztearen lehen laburra da Azaletik azalera, Kalakalab laborategiaren babesarekin ekoitzitako animazioa. Kimuak 2021 katalogorako hautatua izan da filma, eta pixkanaka nazioarteko jaialdietan hartuko du parte. Filmaren sortze prozesuaz, izandako kontraesanez eta jasotako babesaz mintzatu zaigu Arranz.
Etxepare Euskal Institutuak antolatutako eta Euskadiko Filmategiak kudeatutako Kimuak film laburren programaren edizio berrira lanak bidaltzeko deialdia zabaldu berri dute maiatzaren 24ra arte. Euskal film laburren sustapena eta banaketa ditu helburu, eta hautatutako lanak, Kimuak deiturapean, nazioarteko zinema jaialdi zein ospakizun garrantzitsuenetako bidaliko dituzte.
