Gaur amaituko da aurtengo Kameratoian, 18 eta 35 urte bitarteko gazteei zuzendutako euskarazko ikus-entzunezkoen rallyan, parte-hartzeko deialdiaren epea. Izen ematea lehiaketaren web orrialdean egin ahal izango da eguna amaitu baino lehen.
Zabaldu dute jada aurtengo Kameratoian, 18 eta 35 urte bitarteko gazteei zuzendutako euskarazko ikus-entzunezkoen rallyan, parte-hartzeko deialdia. Izen ematea lehiaketaren web orrialdean egin ahal izango da urriaren 23ra arte.
Urtez urte, Euskal Zine Bilerak euskarazko ikus-entzunezkoenganako apustu sendoa egiten jarraitzen du, hala, aurten, jaialdia aurrera atera dadin boluntario programa bat martxan jarri du zinemagile, aditu, ikasle, profesional eta, oro har, zinemazaleen bileran sortuko diren koordinazio lanetan esku hartzeko.
Lekeition egiten den Euskal Zine Bilera heltzeko hilabete gutxi falta direla, euskarazko zinema lantzen duen jaialdiak aurtengo 41. edizioak izango dituen berrikuntzen berri eman du. 40+1 lelopean, gaur egun ikus-entzunezko munduaren eta bertan egiten diren zinema jaialdi nahiz lehiaketen beharretara egokitu nahi izan du ekimenak.
Kameratoiak, ikus-entzunezkoen rallyak, zabalduko du Lekeitioko Euskal Zine Bileraren 41. edizioa, urriaren lehenengo asteburuan. 24 orduko ekintza izango da aurten, eta mugatu dute parte hartzaileen kopurua.
Euskaltzaleen Topaguneak ikus-entzunezko jarduna eta sorkuntza sustatzeko hainbat ekimen antolatzen ditu urtean zehar: Durangoko Azokako Irudienea gunea, Kameratoia film laburren rallya, Benito Ansola sorkuntza beka, Laburbira film laburren zirkuitua… Jarduera horien atzean, antolakuntza eta kudeaketa lanetan, aritzen dira Johana Olabarria Ugarte eta Leire Lardizabal Azurmendi Euskaltzaleen Topaguneko kideak. Haiekin bildu gara Durangon egitasmoen helburuak eta erronkak ezagutzeko.
Iragan larunbatean, urriak 28, egin zuten Kameratoia film laburren rallyaren XIII. edizioaren sari banaketa ekitaldia Lekeition, 40. Euskal Zine Bileraren egitarauaren azken jarduera gisa. Epaimahaiaren 1.200 euroko sari nagusia Udafilms taldearen Tazan lanarentzat izan zen, baina ikusleen saria Berta Productions taldearen Dzanga jauna proiektuak eskuratu zuen.
Aurten aurrenekoz, Euskaltzaleen Topaguneak antolatzen duen Kameratoia film laburren rallya Lekeitioko Euskal Zine Bilerarekin elkarlanean egin dute. Parte hartzaileek urriaren 20tik 22ra, iragan asteburuan, 48 orduko epea izan zuten antolatzaileek emandako oinarriak jarraituz beren lanak osatzeko, eta orotara hamahiru film labur aurkeztu zituzten. Urriaren 28an, larunbata, lanok proiektatu eta sari-banaketa ekitaldia egingo dute 12:30ean Lekeitioko Ikusgarri aretoan.
Euskara hutsean egiten den Hego Euskal Herriko zinema jaialdi bakarra da Lekeitioko Euskal Zine Bilera, eta 40. edizio borobila urriaren 14tik 21era luzatuko da. 38 film izango dira ikusgai orotara; horien artean 24 amateurren kategorian lehiatuko dira, eta zazpi profesionalenean. Irailaren 20an, halaber, Jon Garaño eta Aitor Arregiren Handia arrakastatsua eskainiko dute, eta XIII. Kameratoia film laburren rallya ere bertan egingo dute.
Euskaltzaleen Topaguneak urtero antolatzen duen Kameratoia film laburren rallya Euskal Zine Bilera jaialdian egingo dute aurten. Urriaren 20an abiatuko dute lehiaketa, deialdiaren gaia eta ezaugarriak online zintzilikatuta, eta parte hartzaileek 48 ordu izango dituzte lanak aurkezteko. Sari banaketa ekitaldia, aldiz, urriaren 28an egingo dute, eta deialdian izena emateko epea urriaren 15era arte luzatuko da.
