Que haiga paz: campo visual, conflicto y memoria programaren barruan, zazpi euskal film pantailaratuko dituzte uztailaren 28tik abuztuaren 6ra bitartean. Egitasmoaren helburua zinemaren inguruan elkarrizketa bat sortzea da, gatazka armatuetan honek duen lekuaz, bere balio narratiboaz, hausnartzeko.
Ohiko eszenatokitik urrundu, eta emanaldi berezi bat egingo dute Kresala Zineklubeko kideek abenduaren 19an, Donostiako Antzoki Zaharrean. Aurtengo Kresala Saria emango diote orduan Sara Mazkiaran zuzendaritza laguntzaileari, bere ibilbide profesionala omentzeko.
Zuzendaria: Julio Medem Urtea: 2018 Herrialdea: Espainia –Behiak zuhaitzetatik erortzen dira– Julio Medem egile bat da, sortzaile bat, eta zalantza izpirik gabe, sortu nahi duen unibertso filmikoaren zuzendari eta autorea. Bere irudiek eta soinuek urteetan zehar organo anitzeko corpus bat eraiki dute, eta ikus-entzunezko paisaia magiko eta erakargarri horretan pieza guztiak dagokien zuloan ahokatzen dira. Horrek ez du esan nahi, ordea, arrakasta beti bermatua dagoenik.
Iragan astelehenean, Anboto mendilerroaren magalean, abiatu zuen Julio Medem zinegile donostiarrak El árbol de la sangre bere film berriaren errodajea. Zazpi astez luzatuko dira grabaketak, eta Euskal Herriko, Kataluniako eta Madrilgo lokalizazioak erabiliko dituzte Marc eta Rebeca gazteen istorioa kontatzeko.
Zuzendaria: Hainbaten artean Urtea: 2016 Herrialdea: Euskal Herria Donostia 2016 Kultur Hiriburutzak ikus-entzunezko alorrean garatutako proiektu nagusia da Kalebegiak film kolektiboa. Dozena bat euskal zinegile ezagunek hartu dute parte bertan, hiriari buruzko film labur bana osatuta; bederatzi orotara. Eta beste hiru proiektuak deialdi ireki baten bidez aukeratu dituzte. Larrotxene Bideoko Jorge Gil eta Michel Gaztambide arduratu dira egitasmoaren koordinazioaz, baita errodajeetarako baliabideak eskaintzeaz ere, eta
Jose Luis Rebordinos Donostia Zinemaldiko zuzendariak gidatuta, agerraldia egin dute gaur Zinemaldiko arduradunek Madrilgo Arteen eta Zientzia Zinematografikoen Akademian, aurtengo jaialdian eskainiko dituzten espainiar estatuko ekoizpenen berri emateko. Orotara lau euskal produkzio izango dira irailean ikusgai; hiru Zabaltegi-Tabakalera sailean, eta laugarren bat Belodromoko emanaldi berezian.
Donostia 2016k Larrotxene Kultur Etxearekin elkarlanean abiatutako Kalebegiak proiektuak Donostiari buruzko hamabi film labur osatuko ditu. Horietako hiru zinegile hasiberriek egingo dituzte, eta gainerako bederatziak euskal zinegile konsagratuek. Bada, film horietan ariko diren figuranteak topatzeko castinga egingo dute uztailaren 2an, osteguna, Donostia 2016ren Easo kaleko egoitzan.
http://vimeo.com/55254663 Euskal zinema: zinemagileen hiru belaunaldi izeneko kongresua antolatu dute Euskadiko Filmategiak eta Euskal Herriko Unibertsitateak. Uztailaren 2a eta 4a artean egingo dute. Egun lanean diharduten hiru zinemagile belaunaldi hartu dituzte ardatz ekimen honetarako. Antolatzaileek azaldu dutenez, topaketa honen helburua “historia, jatorriaren inguruko eztabaidak, industria, nortasun nazionala, euskara, generoari buruzko eztabaidak, nazioartekotasuna, Kimuak programaren garrantzia, Zinemaldiarena, abangoardiak, eta abar” aztertzea da.
Julio Medem-en ‘Lucia y el sexo’ filmaren irudi bat Euskonews zinemari emana dator aste honetan. Bi izan dira aste honetan egintza honi eskaini dizkion testuak. Eusko Ikaskuntzak argitaratzen duen astekari elektronikoa da Euskonews, euskal kultura eta zientziaren inguruko albisteak argitaratzen dituena.
