Ekainaren 26an, asteartea, egingo dute Donostiako PIA eraikinean (Zuatzu) Gidoi Inguruaren VII.edizioa. Euskal Herriko Gidoigileen Elkarte profesionala eta IBAIA – Ikus –entzunezko Euskal Ekoizle Burujabeen Elkartearen eskutik, tartetxoa izango dute gidoien sorrerarako laguntza jaso duten proiektuek haiek ekoizteko interesa izan dezaketen ekoizleen aurrean euren lana aurkezteko.
1976ko martxoaren 3an Gasteizen jazotako gertakari historikoak kontatuko dituen Vitoria, 3 marzo dokumentala errodatzen hasi dira Arabako hiriburuan. Grabaketak bost edo sei astez luzatuko dira, eta Gasteizen filmatuko dute osorik. Victor Cabacok zuzendutako filmeko zenbait sekuentziatan boluntarioen laguntza beharko dute, eta izena emateko deialdia zabalik da jada.
Eusko Jaurlaritzaren gidoien garapenerako laguntzak jaso dituzten proiektuak ekoizleen aurrean aurkezteko foroa da EHGEP Euskal Herriko Gidoigileen Elkarte Profesionalak eta IBAIA Ikus-entzunezko Euskal Ekoizle Burujabeen Elkarteak antolatzen duten Gidoi Ingurua saioa, eta aurtengo edizioa ekainaren 21ean, asteartea, egingo dute Zuatzuko PIA eraikinean, 10:00etatik aurrera.
Beñat Fontanedak zuzendu du 2014an abiatu zen herri ekimenaren inguruko dokumentala. Hainbat politikariren adierazpen arrazista eta xenofoboei erantzunez, Gasteiz anitz eta koloretsua aldarrikatzen duen lanak gaur ikusiko du argia, 19:30ean Europa Jauregian.
