Dantza (2018), Telmo Esnal zinegile zarauztarraren hirugarren film luzea, Argentinako eta AEBko 10 hiritan ikusi ahal izango da apirila eta maiatzean zehar, Txintxua Films ekoiztetxeak eta Etxepare Euskal Institutuaren arteko lankidetzari esker.
Joan zen ostiraletik, abenduak 21, Estatu espainiarreko 24 zinema aretotan duzue ikusgai Telmo Esnal zarauztarraren lan berria, Dantza, baina horrez gain, datorren asteazkenean, hilak 26, emanaldi berezia egingo dute Eibarko Coliseo Antzokian. Zuzendaria, koreografoa, ekoizlea eta filmean parte hartu duten Eibarko hainbat dantzari izango dira bertan. Sarrerak salgai dira!
Abian da DA, 2018ak eman dituen euskal argitalpen eta sorkuntza askotarikoak biltzen dituen merkatua. Kulturzale euskaldunon topaleku izan ohi da urtero Gerediaga erakustaretoa azokak irauten dituen egunetan, eta jende pilaketaren aitzakiaz baliatuko da Telmo Esnal Dantza filmaren aurkezpena egiteko. Gaur, abenduaren 5ean, egingo dute aurrestreinaldia, 20:30ean, Zugaza Zineman.
66.Donostia Zinemaldiko Sail Ofizialean, lehiaketaz kanpoko parte hartzearekin, Dantza filma aurkeztu berri dute gaur goizean Telmo Esnal zuzendariak eta gainontzeko taldekideek. Filmak atzo izan zuen publiko aurreko lehen emanaldia, iluntze aldera, Antzoki Zaharreko epelean, baina gaurko egunez egin dute prentsaurreko agerraldia. Filma, beraz, gaur aurkeztu dute.
