Nazioarteko zinegile entzutetsu eta interesgarriei eskainitako Tabakalerako Fokua Andrei Tarkovski zinegile errusiarraren filmografiako bi obra nagusienetan ardaztuko da urtarril eta otsailean. Elias Querejeta Zine Eskolaren ekimenez, zinegilearen lanak Txekiar Errepublikako eta Espainiako bi zinegile garaikideren lanekin elkarrizketan jarriko dituzte. Udaberrian, halaber, lezio galduei buruzko bigarren saioa egingo dute.