ZINEBI – Bilboko Dokumentalen eta Film Laburren Nazioarteko Jaialdiak 62. edizioko kartela aurkeztu du. Eider Corral diseinatzaile grafiko eta arte zuzendariak diseinatu du irudia, eta “errealitatea surreala denean zentzua fikzioak bakarrik nola eman diezaiokeen” nabarmentzen du sorkuntzak.
Donostia Zinemaldiak jakinarazi berri duenez, Willem Dafoe aktore estatubatuarra izango da 68. edizioko protagonista nagusia. Lau aldiz izendatu dute Oscar saria irabazteko eta 2005ean Donostia saria jaso zuen. Aurten, irailaren 18tik 26ra egingo duten Zinemaldiko kartel ofizialeko irudia izateko aukeratu du Donostiako Patio estudioak.
Bilboko Dokumentalen eta Film Laburren Nazioarteko Jaialdiak – ZINEBIk Marta Meszaros zinegile hungariar ospetsuari banatuko dio bere 61. edizioko Ohorezko Mikeldia, zine garaikideari egin dion ekarpena eta berdintasunaren alde izandako pertseberantzia artistikoa aintzatetsiz. Saria amaiera ekitaldian banatuko dute, Arriaga Antzokian, 20:00etatik aurrera.
Mondragon Unibertsitateko HUHEZI fakultatean Ikus-entzunezko Komunikazioa ikasten duten ikasleak arduratzen dira urtero HUHEZINEMA izeneko film laburren jaialdia antolatzeaz, eta aurtengoan, 11. ekitaldiaren kartela aukeratzeko lehiaketa jarri zuten martxan. Bada, deialdira aurkeztutako 53 lanen artean, Marina García Fernandez irundarraren irudia aukeratu dute, Ikusteko jaioak gara leloa ezin hobeto islatzen jakin duelako.
Gaur goizean bidalitako prentsa-ohar laburrean, Donostia Zinemaldiak irudia modernizatzeko gogoeta abiatu duela aditzera eman dute, eta 2018an irudi berria izango duela jaialdiak. Gainera, 2011z geroztik festibalaren kartelak aukeratzeko antolatzen duten lehiaketa bertan behera geratuko da aurtengoan. Maiatz hasieran aurkeztuko dute irudi korporatibo berria.
Maitasun lesbikoa eta estereotiporik gabeko gorputzak aldarrikatzen ditu 15. Zinegoak Bilboko Gaylesbotrans Zinema eta Arte Eszenikoen jaialdiaren kartelak. Ane Pikaza ilustratzaile eta aktoreak osatu du irudia, aurrez jaialdian ikusitako Aquaporko! (Kelli Jean Drinkwater eta Anna Helme, 2013) film laburrean oinarrituta.
Donostiako Club Vasco de Camping Elkarteak CVCEPhoto mendiko jardueren nazioarteko argazkilaritza lehiaketa antolatu du aurten laugarrenez, eta iaz bezala, lehiaketa irabazten duen irudia Bilboko Mendi Film Festival jaialdiko irudia izango da. 2017an Christoph Jordaren Lighthouse lana izan zen irabazlea eta igaro berri den 10. edizioko kartela.
