Estibaliz Urresola laudioarraren opera prima, eta Victor Erice karrantzarraren Cerrar los ojos itzulerako lana 36. Europako Zinemaren Sarietarako hautagai diren ekoizpenen lehen zerrendan ageri dira. Kategoria bakoitzeko ekoizpen finalistak azaroaren 7an jakinaraziko dituzte.
Lehen mailako hezkuntzako eskolei euskarazko animaziozko filmak eta laguntza pedagogiko egoki bat eskaintzeko asmoz sortutako Zineskola dispositiboak 2022-2023 ikasturteko datuen berri eman du: bi film eskaini dizkiete 92 ikastetxeko ikasleei, 11 zinema aretotan. Ekimenak jarraipena izango du 2023-2024 aldian ere.
2023ko Ikus-entzunezko Argia Saria jaso berritan, Ander Iriartek Karpeta Urdinak dokumentalarekin bira hasiko du Ipar Euskal Herriko herrietan. Otsailaren 13an, astelehena, Hendaian izango du lehen emanaldia, eta Urruña, Getaria, Baiona, Kanpo, Hazparne, Donibane Garazi, Maule eta Donapaleu bisitatuko ditu gero.
Baionako L’Atalante zineman izango du aurre-estreinaldia, gaur, Fermin Muguruzak zuzendutako proiektuak. Datozen egunetan, Ipar Euskal Herriko zenbait herritan ere erakutsiko dute, eta azaroaren 8an eta 14an Parisen egingo dute emanaldia.
Lehen mailako hezkuntzako eskolei euskarazko animaziozko filmak eta laguntza pedagogiko egoki bat eskaintzeko asmoz sortutako Zineskola ekimena 2021-2022 ikasturtean bueltatu egin da. Hiru film eskaini dizkiete 73 ikastetxeko ikasleei, 11 zinema aretotan.
Ekainaren 16tik aurrera, Lapurdiko, Behe Nafarroako eta Xiberoko herrietan pantailaratuko dute Iñaki Alforja eta Iban Toledo zinemagileek zuzendutako dokumentala.
Espainiako Ministroen Kontseiluak hala erabakita, aurrerantzean musukoaren erabilera ez da derrigorrezkoa izango Hego Euskal Herriko zinema aretoetan. Aste Santua hasi baino lehen eman zuten asmoen berri, eta atzo onartu zuten gaur bertan indarrean jarri duten dekretua. Ipar Euskal Herrian, aldiz, martxoaren 14az geroztik dago bertan behera musukoaren nahitaezko erabilera zinema aretoetan.
Josu Martinezek eta Txaber Larreategik zuzendutako Caminho Longe dokumentalak Miarritzeko FIPADOC Dokumentalen Nazioarteko Jaialdian hartu zuen parte iragan asteburuan, eta ostiraletik aurrera, ekainak 18, Ipar Euskal Herriko zinema aretoetara helduko da.
Covid19aren ondorioz iragan urritik itxita egon diren Zuberoako, Nafarroa Behereko eta Lapurdiko zinema aretoak gaur, maiatzak 19, zabalduko dituzte. Hamabi dira orotara, eta azken hiletan pilatutako lan andana dituzte eskaintzeko. Euskal proposamenei dagokienez, La trinchera infinita (Garaño, Goenaga eta Arregi, 2019) gaurtik aurrera eta Caminho longe (Josu Martinez, 2020) ekainean, izango dira ikusgai.
Frantziako Gobernuak ekainaren 22an aurreikusi du Ipar Euskal Herriko zinema aretoak irekitzea. Finkatutako data kontuan izanda, filmen estreinaldien egutegia berrantolatu dute, eta aretoek osasun-neurri zorrotzak bete beharko dituzte. Besteak beste, edukieraren erdia baimenduko dute, eta eserleku bateko distantzia mantendu beharko da ikus-entzuleen artean.
