Konfinamenduak iraun duen bitartean, egunero, GAZTEZULOren Instagram kontutik zuzeneko elkarrizketak ikusi eta entzuteko aukera izan dute aldizkariaren jarraitzaileek. Euskarazko komunikabideak izan ziren ekimenaren azken asteko protagonistak, eta ZINEAko kideok ere solasaldi horien parte izan gara.
Koronabirusak eragindako osasun krisiari aurre egiteko eta ohiko jarduna guztiz ez eteteko asmoz, Kresala Zineklubak zuzeneko solasaldiak eskainiko ditu bere Instagram kontuan. Roman Polanski zuzendari poloniarraren Rosemary’s Baby (1968) filmari buruz aritu ziren Las Bloody Girls taldeko neskak martxoaren 16an hizketan, eta datozen egunetan ere saioak egingo dituztela iragarri dute: “10 narratzaile, 10 gonbidatu, 10 konfinamendu istorio”. Komentatuko dituzten film guztiak online plataformetan daude ikusgai,
Donostia Zinemaldiak Instagram bidezko #ausartufilmatzera lehiaketa antolatu du. Bertan parte hartzeko, “modu original eta pertsonal batean” gustukoen duen pelikula baten eszena birsortzen duen bideo bat igo beharko du interesatu orok sare sozialera. Proposamenak bidaltzeko epea abuztuaren 26an, gaueko 23:59an, amaituko da eta irabazleen izenak abuztuaren 31n argitaratuko dituzte.
