Ikus-entzunezko alorreko erdi eta goi mailako graduetan zein masterretan espezializatutako Andoaingo ESCIVI Zine eta Bideo Eskolak 2021-2022 ikasturteko izen-emate aldia itxi arren, oraindik leku libreak dituztela eman du aditzera. Interesa duen orok erreserba egiteko dei dezake, eta irailean formalizatuko du matrikula.
Bilboko Udalak, Arriaga Antzokiaren eta ZINEBI jaialdiaren bidez, bertako ikus-entzunezko sektorea defendatu, sustatu eta babesteko asmoz, 50.820 euroko poltsa aurkeztu du Bilbao Aurrera 2021 planaren baitan. Fikziozkoak ez diren lanak, hiriko kulturaren eta turismoaren alorretako balioak nabarmentzen dituzten proiektuak, aurkeztu daitezke deialdira maiatzaren 15a baino lehen.
Gipuzkoako Foru Aldundiak Euskarazko Ikus-entzunezkoen Laborategia jarriko du martxan 2018an Tabakaleran, Hizkuntza Berdintasunerako zuzendari nagusi Mikel Irizarrek iragan ostiralean, urriak 6, Hernaniko Orona Ideon egin zuten jardunaldian aditzera eman zuenez. Asteotan, gainera, nazioarteko eragileak eta haien ereduak ezagutzeko saioak antolatu dituzte, proiektuaren diseinuan laguntzeko.
Gipuzkoako Foru Aldundiko Diputatuen Kontseiluak ikus-entzunezko proiektuen ekoizpena eta zabalkundea sustatzeko Lanabesa izeneko diru-laguntzen araudia onartu du. Ikus-entzunezko atalak 175.000 euroko aurrekontua izango du, baina proiektu bakoitzak ezingo du 40.000 euro baino gehiago jaso. Ikus-entzunezko sorkuntza gipuzkoarra indartu nahi du hala Diputazioak.
2018an Tabakaleran egonaldi artistikoak egingo dituzten norbanako eta proiektuen zerrenda kaleratu dute, eta ikus-entzunezko proiektuei dagokienean, Marianna Christofides greziarraren OLYMP’S SHEDS hautatu dute. Alor guztietako egonaldiak egiteko 500 proposamen jaso dituzte aurten, iaz baino 77 gehiago.
Proiektu artistikoak, elkarlanean garatzeko proiektu artistikoak, ikerketa artistikoa eta komisariotza lantzeko egonaldiekin batera, ikus-entzunezko egitasmoak garatzen laguntzeko egonaldia ere eskainiko du Tabakalerak 2018an. Deialdia ekainaren 15era arte izango da zabalik.
Filmarket Hub webguneak ikus-entzunezko proiektuen finantzaketa online merkatua eskaintzen du. Sare-sozial funtzioa ere badu, egindako diseinuak eta lanak sektoreko profesionalek ikus baititzakete. Gaur egun, ikus-entzunezko sektorean diharduten profesionalek hainbat baliabide erabiltzen dituzte edukiak sortzeko eta proiektuen finantzaketa bermatzeko, hala nola, Sarea eta finantzaketarako lagungarriak diren antzeko beste baliabide alternatiboak. Honen aurrean, Andrea Giannone ekoizleak eta bere taldeak Bartzelonatik kudeatzen duten Filmarket Hub online plataforma martxan
