Euskal ikus-entzunezkoen sektoreko hainbat elkartek herri bizkaitarreko zinema aretoen etorkizuna bermatzeko eskatu diete administrazio publikoei eta tartean dauden estamentu guztiei, elkarrekin sinatu duten adierazpen batean.
IBAIA Ikus-entzunezkoen Euskal Ekoizle Burujabeen Elkartearen eta ELKARGIren artean 2022an hasitako akordio berritzearen fruitu, 5.000€-ko ordainsaria emango diote Lau Haizetara Dokumentalen Koprodukzio Foroan proiektu onenari. Ekimenera proiektuak aurkezteko deialdia zabalik dago ekainaren 30era arte.
EiTBk, IBAIAk, EPE-APVk eta APIKAk sinatu berri duten akordioaren balorazioa egin du zinemetan euskararen presentzia legez bermatuko duen Zinemaren Lege Propioaren aldeko ekimenak. “Euskararentzat eta euskarazko ikus-entzunezkoentzat aurrerapausorik ikusten” ez duela salatu du.
Iruñeko Punto de Vista jaialdiak hartuko du Zinema Zubiak programaren III. topaketa hitzordua, datorren martxoaren 17an. Hilaren 3ra bitatean egongo da zabalik izen-ematea.
Donostia Zinemaldian egiten duten Lau Haizetara Dokumentalen Koprodukzio Foroaren XVII. edizioaren datak zertxobait aurreratu dituzte, irailaren 20tik 22ra, astelehenetik asteazkenera. Era berean, proposamenak aurkezteko epea astebetez luzatu zuten, ekainaren 18tik 25era, baina deialdia itxita dago jada.
2020ko urtarrilean onartu zuten Espainiako ikus-entzunezko sektorea ordezkatzen duten enpresa-erakundeek eta sindikatuek produktoreen eta haientzat zerbitzuak eskaintzen dituzten aktoreen arteko hitzarmen kolektiboa berretsi dute 2021eko abenduaren 31ra arte. Zineman, telebistan, publizitatean zein aurrekontu txikiko obretan jarduten duten aktoreen gutxieneko soldatak mantenduko dituzte.
IBAIA Ikus-entzunezkoen Euskal Ekoizle Burujabeen Elkarteak iragan urriaren 16an Zuzendaritza Batzordea berritu zuela eman du aditzera. Hala, Leire Apellaniz (Sr&Sra) eta Aitor González de Langarica (Area Audiovisual) ekoizleak sartu berri dira biltzarrena Fernando Sari (esRec), Iñaki Gomezi (Irusoin) eta Joxe Portelari (Abra Prod) erreleboa eginez.
Lau Haizetara Dokumentalen Koprodukzio Foroaren XVI. edizioa 2020ko irailaren 22, 23 eta 24an egingo dute, Donostiako 68. Zinemaldiaren esparruan. Uztailaren 10a da proiektuak aurkezteko epe-muga.
Zineuskadi elkarteak Boonie Bears: Abentura historiaurrean haurrentzako filma estreinatuko du zinema aretoetan datorren ostiralean, otsailaren 28an. Zineuskadiren ‘Zinema Euskaraz’ programaren bidez 2020an euskaraz eskainiko duten bigarren filma da honakoa.
Eusko Jaurlaritzako Kultura eta Hizkuntza Politika Sailak 48 zinema-proiektu babestu zituen 2019. urtean, bere hiru diru-laguntza deialdi irekien bitartez. Azaldu dituzten datuen arabera, guztira, 2.664.000 euro bideratu zituen gidoien idazmena, ikus-entzunezko proiektuen garapena eta ikus-entzunezko ekoizpena babestea xede duten hiru laguntza-lerroetara.
