Bihar hasi eta igandera bitarte luzatuko da Hazparneko Zinegin Festibala. Euskarazko filmeak hedatu eta euskal kulturaren hatsgune izateko xedez jaio zen jaialdia 2012an, hiru eragileren eskutik: Eihartzea Kultur Etxea, Ttattola gaztetxea eta Haritz Barne zinema gela. Ordutik, makina bat fikziozko lan eta dokumental, film luze zein labur ikusi ahal izan dira, guztiak euskaraz.
https://youtu.be/-5Bw3cCzWkE Ibai Agirrebarrena (Bidaxune, 1989) gazteak Bisaiak, jauziaren aurpegiak izeneko dokumentala osatu du Zuzeuren Arnasa Luzea plataforma baliatuz. Jauzia proiektuaren baitan kokatzen den ikus-entzunezko lana da, 80ko eta 90eko hamarkadetako Euskal Herriko gatazka politikoaren baitan, frantziar nazionalitateko hainbat lagunek egindakoen testigantzak biltzen dituen egitasmoa. Dokumentala azaroaren 20an aurkeztuko du Hazparneko Zinegin festibalean. Agirrebarrenarekin izan gara Baionan.
https://youtu.be/E1Km4kDIaMI Ibai Agirrebarrenak hainbat hilabete daramatza Jauzia proiektuan murgilduta. Zuzeuren Arnasa Luzea egitasmoaren baitan, crowdfunding kanpaina jarri zuen abian, eta 3.450 euro eskuratuta, 70 minutuko ikus-entzunezko dokumentala osatu du Jauzia proiektuaren atzean dagoen lantaldeak. Bada gaur, irailak 30, Bilboko 7 Katu Gaztetxean aurkeztuko dute.
80-90eko hamarkadetan, Euskal Herriko gatazkaren baitan, frantses nazionalitatea zuten ibilbide arrunteko pertsona batzuek beren etxea, familia, bizitza edota denbora eman zuten euskaldunen alde. Lagun horien testigantzekin Jauzia dokumentala osatzen ari da Ibai Agirrebarrena (Bidaxune, 1989) gaztea, eta crowdfunding kanpaina jarri du abian ZuZeu.eus atariko Arnasa Luzea atalean. Lana abendu alderako izango du prest. Nola sortu zen ideia, zein da proiektuaren oinarria? Jauzia proiektuak, lehenik eta behin, ibilbide
