Arantza Santestebanen 918 gau filma pantaila handian ikusteko aukera izango da ostiraletik aurrera, Iruñeko Golem Yamaguchi aretoan. Ostegunean, aldiz, Golem Baionan egingo dute aurrestreinaldia, eta zinemagileak aurkeztuko du, gonbidatu berezien parte hartzearekin. Hilaren 11n ere, solasaldia egongo da.
Zuzendaria: Ione Atenea Urtea: 2022 Herrialdea: Euskal Herria Zuri-beltzezko irudiek eman diote hasiera 2022ko Punto de Vista zinema jaialdiari. Iruñera hurbildu direnek mesfidati begiratu dute Baluarte Jauregiko pantaila erraldoia, tokiz kanpo baleude bezala. 40ko eta 50eko hamarkadetan Hollywooden errodatutako noir generoko filmen fotogramak izan litezkeenak eduki dituzte aurrez aurre. Musikak ere badu ukitu epiko bat, eta tiro hotsak entzungo dira, gonbidatuta ez gauden poker partida bati
