Badator DA, badator Irudienea!

Abenduaren 5etik 9ra luzatuko den 53. Durangoko Azokaren edukien aurkezpenarekin batera, gune bakoitzaren programazioa ezagutarazten ari dira egunotan ekitaldiaren arduradunak.  Ikus-entzunezko urteko ekoizpen interesgarrienak biltzen dituen Irudienea gunea aletuko dugu guk, dozenatik gora lan ikusi ahal izango baititugu bertan. Hilaren 6an, gainera, Animazioa Euskal Herrian:  Zer gertatzen ari da? solasaldia antolatuko dugu Zinea atariko kideok.