Pantaila txikian zein handian, Frantziak emandako aktorerik emankorrenetakoa izan zen Jean Rochefort (Paris, 1930). Igandetik astelehenerako gauean zendu zen, Parisko ospitale batean. 87 urte zituen, eta 150 filmetan baino gehiagotan hartu zuen parte. 2012an Donostia Zinemaldian izan zen, Fernando Truebak zuzendutako El artista y la modelo filma aurkezten.
Koldo Larrañaga, (Azkoitia, 1923) apaiza, euskaltzalea eta euskal zinemagintzaren ikertzailea hil da, 94 urte zituela. Caiceco-Yuso (Araba) herrian 60 urtez jardun zuen apaiz, eta eskualdean euskara sustatzeko lan handia egin zuen. Euskal zinemaren artxibategi aberatsa osatu zuen etxean, eta Ikuska sailerako labur bat zuzendu zuen: Arabako herrien heriotza.
‘Frantziako zinemaren dama’ ezizenaz ezaguna zen Jeanne Moreau (Paris, 1928-2017) aktore eta zinegile frantziarra 89 urterekin hil da. Nouvelle vague mugimenduaren musetako bat izan zen, eta Frantzian zein nazioartean orotariko sari eta aitortzak jaso zituen. Orson Wellesen hitzetan, emakumezko aktorerik onena zen.
