Euskal zinemaren industriaren babes zabala Itziar Ituño aktoreari
Euskal zinemaren industriako ordezkaritza zabalak adierazi dio babesa Itziar Ituño aktoreari, euskal presoen eskubideen alde Sare Herritarrak deituriko manifestazioan parte-hartzeagatik jasotako kritika eta boikotaren ostean. Besteak beste, Euskal Aktoreen Batasunak, Donostia Zinemaldiak, IBAIA – Ikus-entzunezkoen Euskal Ekoizle Burujabeen Elkarteak, (H)emen – Ikus-entzunezkoaren Emakumeen Elkarteak eta baita zenbait norbanako eta enpresek eman dute urratsa.