Mikel Gurreak zuzendutako Heltzear (2021) eta Suro (2022) lanak, Estibaliz Urresolaren 20.000 especies de abejas (2023) filma, eta zinema mutuaren garaiko klasiko estatubatuar bat pantailaratuko dituzte FAS Zineklub bilbotarreko kideek datozen astearteetan. Ohi bezala, Carmen aretoan egingo dituzte emanaldiak, 19:45ean hasita.
Nantesko Festival du Cinéma Espagnol jaialdiaren baitan 15 euskal ekoizpen erakutsiko dituzte martxoaren 8tik 20ra bitartean. Festibaleko sail ofizialetan lehiatuko diren lanez gain, Etxepare Euskal Institutuaren babespean, Fenêtre Basque atalean Eukal Herrian ekoiztutako film luze eta labur onenak ezagutzeko aukera egongo da, tartean, Kimuak bildumako lanak edota Hondar ahoak telesaila.
70eko hamarkadan errodatutako filmei errepasoa emango die Nafarroako Filmotekak matxoan. Ohiko saileko lanez gain, hainbat ziklo berezi aurreikusi dituzte; besteak beste, arrazakeriaren kontrako borrokarekin zein agroekologiarekin lotutakoak. Punto de Vista jaialdiaren baitako emanaldiak ere jasoko ditu egitarauak.
KIMUAK 2021 katalogoan hautatu dituzten film laburren lehenengo emanaldi publikoak egingo dituzte datozen egunetan. Urtarrilaren 20an, Gasteizen; hilaren 21ean, Donostian; eta hilaren 22an, Bilbon, fikzio, lan-dokumental, animazio eta genero esperimentaleko zortzi lanak proiektatuko dituzte.
Chiusi alla luce (Nicola Piovesan) film labur italiarra nagusitu da Errenteriako Film Laburren Jaialdiaren 26. edizioan. Epaimahaiak Iker Maguregik zuzendutako Trumoiak izendatu du euskal film onena.
Errenteriako Film Laburren Jaialdiaren 26. edizioa azaroaren 25etik 28ra bitartean ospatuko dute. Ohi bezala, Niessen zinemetan egingo dituzte proiekzioak, 19:30ean, eta ostean, film laburren zuzendari eta lan-taldeekin solasaldiak eskainiko dituzte.
ALCINE – Alcala de Henaresko Zinema Jaialdian euskal ekoizpenek sari-sorta irabazi dute. David Perez Sañudo zinemagileak zuzendutako La colcha y la madre (2021) film laburrak gidoi onenaren saria eskuratu du, eta Koldo Almandoz eta María Elorzaren Quebrantos (2020) lanari aipamen berezia egin dio epaimahaiak. Europako Film Laburren Lehiaketako bigarren saria Mikel Gurrearen Heltzear (2021) filmarentzat zian da.
Fikzioa, dokumentala, animazioa eta genero esperimentala izango dira nagusi KIMUAK egitasmoaren 2021eko katalogoan. Iaz baino gutxiago, baina kalitaterik galdu gabe, 47 lan aurkeztu ziren deialdira, eta horien artean zortzi aukeratu ditu epaimahaiak programaren bidez nazioarteko jaialdi eta ikus-entzunezko ekimenetan zabaltzeko. Ohi bezala, Donostia Zinemaldiko lehen larunbatean egin dute euskal laburgintzan ernatu diren kimu berrien aurkezpena. BERAK BALEKI (Aitor Gametxo) Martinek ilusioz betetzen du egunero
Hamahiru film luzek, film labur batek, telesail batek, ekoizpen fasean dagoen lan batek eta proiektu batek osatuko dute 69. Donostia Zinemaldiko euskal ordezkaritza. Icíar Bollaínen Maixabel Sail Ofizialean aurkeztuko dute, eta Mikel Gurrearen Heltzear laburra Zabaltegi-Tabakalera sailean; Euskal Zinemaren eta EiTBren galetan ikusgai izango dira, hurrenez hurren, Asier Altunaren Hondalea dokumentala eta Javier García de Vicuñaren Irabazi Arte telesailaren lehen atala, eta beste 11 fikziozko
Irailaren 1etik 11ra luzatuko da aurten munduko zinema jaialdi entzutetsuenen artean, xarma bereziena duen Veneziako festibala. Bong Joon-ho (Parasites laudatuaren zuzendaria) izango da epaimahaiburua, eta besteak beste, Pedro Almodóvarren Madres paralelas eta Gastón Duprat eta Mariano Cohnen Competencia oficial lehiatuko dira Urrezko Lehoia eskuratzeko. Euskal ordezkaritzari dagokionez, Mikel Gurrearen Heltzear laburra Orizzonti sailean izango da ikusgai.
