EZAEk eta Zineuskadik sinatutako lankidetza-hitzarmenaren bidez, ikusleak zinemara erakartzeko helburua duen Bidaiariak, zinemara egitasmoaren 8. edizioa abiatuko dute gaur. Gipuzkoa, Bizkaia eta Arabako 18 zinemek eta 77 aretok egin dute bat kanpainarekin.
Zinemaren Jaia delakoaren edizio berri bat egingo dute Arabako, Bizkaiko, Gipuzkoako eta Nafarroako zinema-areto nagusietan, maiatzaren 15, 16, 17 eta 18an. Lau egun horietan, ikusleek sarrerak 3,50 euroan ordainduta ikusi ahalko dituzte pelikulak.
ZINEMA EUSKARAZ programaren baitan, 2023rako proposatutako lehen filma ikusgai da, dagoeneko, Araba, Bizkaia, Gipuzkoa eta Nafarroako zinema aretoetan.
Kepa Junkera trikitilari bilbotarraren gainditze istorioa ezagutzera ematen duen eta bere ondarea birpasatzen duen filma Hego Euskal Herriko zinema aretoetan estreinatuko dute abenduaren 2an, eta datozen asteetan ere zabalkundea izango du.
Paul Urkijo arabarrak zuzendutako bigarren film luzeak Sitgesko Fantasia eta Beldurrezko Zinemaldian lehiatu ostean egin behar zuen estreinaldi komertziala, baina azken orduko aldaketa medio, 2023ko otsailaren 24an iritsiko da zinema-aretoetara.
Espainiako Ministroen Kontseiluak hala erabakita, aurrerantzean musukoaren erabilera ez da derrigorrezkoa izango Hego Euskal Herriko zinema aretoetan. Aste Santua hasi baino lehen eman zuten asmoen berri, eta atzo onartu zuten gaur bertan indarrean jarri duten dekretua. Ipar Euskal Herrian, aldiz, martxoaren 14az geroztik dago bertan behera musukoaren nahitaezko erabilera zinema aretoetan.
Kuartk Valley 2005eko amaiera. Kuartango, Arabako (Euskal Herria) haran urrun bat. Bi gizonek amets zahar bat mamitzeko konpromisoa hartu dute: western bat filmatzea. Ez dute ez dirurik ez talde teknikorik, baina bertako biztanleak filmeko pertsonaiak gorpuzteko konbentzituko dituzte. Algo más que morir, lehen euskal westerna, Almería Western Film Festival jaialdian estreinatu zen 2014an, eta bi sari nagusi irabazi zituen. Maider Oleagak zuzendutako Kuartk Valley filmak argitara eman du abentura
Gaur, irailak 27, hasi eta hilaren 30era arte, lau egunez oraingoan, Zinemaren Festa ospatuko dute Hego Euskal Herriko aretoetan. Honenbestez, karteldegiko filmak 3,5 euroan eskuratu ahal izango dira (aurreko edizioetan baino 60 zentimo garestiago, baina ohiko salneurria baino nabarmen merkeago), eta ez da aurrez jaialdiaren webgunean akreditatu beharko.
