Apirilaren 21era bitarte egongo da zabalik KIMUAK programaren 2024ko ediziora film laburrak aurkezteko deialdia. Nobedade gisa, izen-ematea aurkeztu berri duten web plataforma bidez gauzatu beharko da: www.kimuak.basqueaudiovisual.eus.
Guztira hemeretzi film luzez osatuta egongo da Made in Spain, Donostia Zinemaldiko sail ez-lehiazkoa, urteko film espainiarren hautaketa bat biltzen duena. Horien artean bost mundu-estreinaldi gisa emango dira; gainerakoak, ordea, aurretik nazioarteko beste zinema-jaialdi batzuetatik igarotakoak ala estreinatu berriak dira.
Ion de Sosa eta Irati Gorostidi euskal zinemagileen lanak hartuko ditu Donostia Zinemaldiaren Zabaltegi-Tabakalera sailak. Horiekin batera, Paul B. Preciado, Delphine Girard, Jean-Luc Godard, Yui Kiyohara, Damien Manivel, Rodrigo Moreno, Éléonore Saintagnan eta Eduardo Williamsen lanak erakutsiko dira, besteak beste.
Animazioa eta fikzioa jasoko ditu KIMUAK sortaren 2023ko katalogoak. Hautatu dituzten zazpi filmetako bat besterik ez da euskara hutsean egin; beste bat euskaraz eta frantsesez eta gainerakoak gaztelaniaz egin dira, horietako bik hindia eta bengaliera ere erabiltzen dute.
Fikzioa eta dokumentala izango dira nagusi Kimuak egitasmoaren 2022ko katalogoan. Hiru dira euskara hutsean filmatutakoak, gainerako laurak gaztelaniaz. Halaber, sei emakumezkoek zuzendu eta ekoiztu dituzte.
Juan Andres Arango, Agustin Banchero, Ines Barrionuevo, Paula Hernández, Francisco Marise eta Romina Paula egileen proiektu berriek −besteak beste− hartuko dute parte Europa-Latinoamerika 10. Koprodukzio Foroan. Irailaren 20tik 22ra bitartean egingo dute, fomatu hibridoan.
Hamalau film labur lehiatuko dira Donostia Zinemaldian zinema-ikasleentzat egiten den film laburren nazioarteko NEST lehiaketaren 20. edizioan. Hautatutako lanak Tabakalerako zinema-aretoan izango dira ikusgai, irailaren 20tik 22ra ospatuko den topaketan.
Mision a Marte euskal ekoizpena hautatu dute Donostia Zinemaldiko WIP Europa egitasmoan. Georgiako, Moldaviako Errepublikako, Errusiako, Turkiako eta Ukrainako beste bost filmek osatuko dute eskaintza, eta irailaren 20an, 21ean eta 22an ospatuko da topaketa.
Hilabete eta erdi falta da 69. Donostia Zinemaldia abiatzeko, eta jaialdiaren arduradunek ikusgai izango diren filmen zerrenda eguneratzen jarraitzen dute. Gaurkoan, Horizontes Latinos saila osatuko duten hamar filmen berri eman dute, eta erdiak Work In Progress Latam ataletik igaro dira. Haiekin batera Madino Marchatiren Madalena, Andreas Fontanaren Azor eta Tatiana Huezoren Noche de fuego opera primak ageri dira.
Donostiak harrera egingo dio Cannesi. Irailaren 18tik 26ra ospatuko da mostra donostiarra, eta Cannesko Zinema-jaialdian 73. hautatutako hamazazpi lan jasoko dituzte Zinemaldia osatzen duten sailek euren programetan; zehazki, hamahiru film luze eta lau film labur.
