Gaur, apirilak 23, hasi eta igandera bitarte Bilbon egingo duten euskal kulturaren Loraldia jaialdian Zinemari eskainitako saio bat aurreikusi dute, Euskal Zinemaren Pantaila izenekoa. Hilaren 25ean izango da, larunbata, EITBren Multibox Gelan 11:00etan, eta Vasconiako historia bat eta Gure Sor Lekua dokumentalez gain, hainbat film labur ere eskainiko dituzte.
http://vimeo.com/76504759 Ezagutzera eman dituzte Errenteria Hiria Film Laburren 18. aldian ikusi ahal izango diren 27 lanen izenak. Bost ataletan lehiatuko dira, horien artean Euskarazko Film Labur Onenaren saria eskuratzeko norgehiagokan arituko diren sei lanak.
http://vimeo.com/52278912 Bihar, ostirala, egingo dute, Donostiako (Gipuzkoa) Urgull mendiko Guardetxean, Motz erakustaldiko martxoko emanaldia. 20:00tan emango zaio hasiera emanaldiari, eta sarrera librea izango da ikus aretoa bete arte. Lau film laburren pantailaratzea prestatu du Banda Bat elkarteak hilabete honetarako, eta ondoren kontzertuak. Ülmen eta Prime Lane taldeen emanaldiek itxiko dute saioa.
