Elias Querejeta Zine Eskolan emango diren graduondoko programen matrikula prezio publikoak onartu ditu Diputatuen Kontseiluak, 3.500 eurokoak. Halaber, zabaldu dute eskola kudeatzeaz arduratuko den enpresaren kontratazioa lehiaketa bidez egingo dutela.
2017-2018 ikasturtea eskolaren oinarri sendoen nolakotasuna aurkezteko eta ikasleei matrikula egiteko tartea emateko baliatuko ditu Gipuzkoako Foru Aldundiaren Elias Querejeta Zine-Eskolak. Halaxe azaldu dute gaur Denis Itxaso Gipuzkoako Foru Aldundiko Kultura diputatuak, Carlos Muguiro Zine-Eskolako zuzendariak, eta Tabakalerako (Ane Rodriguez), Donostia Zinemaldiko (Jose Luis Rebordinos) eta Euskadiko Filmategiko (Joxean Fernandez) zuzendariek egin duten agerraldian.
