Apirilaren 26tik 29ra bitartean egingo dute 2023ko ekitaldia, Baionako L’Atalante zinegelan, eta euskal zinemagintzari eskainitako foku berezia hartuko du beste behin, emakumezko sortzaileen lanak nabarmenduz.
Musika dokumentalen emanaldi sortak emango dio hasiera Nafarroako Filmotekak ekainerako prestatu duen egitarauari. Lurraldean errodatutako lan amateurrak, Rizoma jaialdiko lan onenak eta Maddi Barberren parte hartzea duten bi lan ere erakutsiko dituzte.
Osasun krisia tarteko, formatu hibridoan ospatu dute HUHEZINEMA Film Laburren Jaialdiaren 14. Edizioa, martxoaren 17an eta 18an, Aretxabaletako Arkupe aretoan eta Twitch streming plataforman. Maddi Barberren Gorria filma nagusi, baina orotarikoa izan da epaimahaikideek hautatutako palmaresa.
Salamancako DA2. Domus Artium 2002n Maddi Barber euskal dokumentalgileari eskainitako zikloa izango da ikusgai maiatzaren 30era arte. Sortzailearen hiru proposamen emango dituzte, 592 Metroz Goiti (2018), Urpean Lurra (2019) eta Gorria (2020).
Hemeretzi izango dira 43. Euskal Zine Bileran lehiatuko diren laburrak, iaz bezala, kategoria profesionala eta amateurra bereizi gabe. Tartean dira Ander Iriarteren Emarri, Ekain Albiteren Haizearen egia eta Maria Elorza eta Koldo Almandozen Quebrantos proiektu interesgarriak. Hilaren 23an, 24an, 25ean eta 26an egingo dituzte emanaldiak online, eta 29an palmaresaren proiekzioa.
Bertako zinemagileen dokumental eta film laburrak ezagutu eta zabaltzeko konpromisoari eusten dio ZINEBI Bilboko Dokumentalen eta Film Laburren Nazioarteko Jaialdiak, eta aurten 30 izango dira, orotara, festibalean ikusgai izango diren euskal zigiludun proiektuak. Bertoko Begiradak atalak, beraz, 22 film labur eta zortzi dokumental luze eskainiko ditu azaroaren 13tik 20ra luzatuko den 62. ekitaldian.
Laida Lertxundi, Alberto Gracia eta Maider Fernández zinemagileak dira 202ko X Films deialdirako profesional hautatuak. Bakoitzak bere proiektua aurkeztuko du epaimahaiaren aurrean, eta beren aurreko lanak izango dira ikusgai publikoari irekitako emanaldi batean.
