57 film pantailaratuko dituzte abenduaren 8tik 17ra bitartean, horietako 17 nazioarteko estreinaldiak izango direlarik; Euskal Herriko ekoizpena duten 14 film ikusteko aukera egongo da. Sarrerak eskuragarri daude dagoeneko.
Apirilean hasi, eta ekainera bitartean, Lyongo Lumière Institutuak zaharberritutako zinemaren historiako 10 film egongo dira ikusgai Donostiako Tabakaleran, Bilboko EHU Bizkaia Aretoan, Gasteizko Artium Museoan, Iruñeko Golem zinema aretoan eta Donibane Lohitzuneko Le Select zinegelan. Thierry Frémaux Canneseko zinema-jaialdiaren zuzendariak Im Lauf der Zeit (Wim Wenders, 1975) lana aurkeztuko du, eta Joserra Senperena musikariak pianoa joko du hainbat saiotan.
Ikus-entzunezkoen alorreko kultur eragileek milioi t’erdi eurotik gora jaso dituzte, 2021-2022 aldian. Donostia Zinemaldiko Industry Club eta Kanaki Films izan dira onuradun nagusiak.
Nafar Ateneoak eta Golem zinema-etxeak Nafarroako Euskarazko Filme Zikloa prestatu dute. Urtarrilaren 28tik ekainaren 17ra bitartean, hilabetero film bana ari dira pantailaratzen Golem Yamaguchi zinema aretoan, eta gaur, Montxo Armendarizek zuzendutako Obaba (2005) emango dute.
ITE Cinemas – Inter Rail Through Europa Cinemas ekimena jaio da, zinema bidelagun, herritarrei Europan barrena bidaiatzeko aukera emango dien abentura. 2022ko otsailaren 1etik martxoaren 22ra bitartean, Madril, Paris, Oslo, Stockholm, Helsinki, Krakovia, Berlin eta Erroma ezagutzeko aukera egongo da, hiri horietan errodatutako filmei esker.
Alice Guy zinemagile frantziarra ardatz izango duen kultura-bitartekaritzako programa antolatuko du Golem etxeak Iruñean. Abenduaren 27tik 2022ko urtarrilaren 13ra bitartean, herritarrak zinema-aretoetara hurbilarazteko zinema-saio bereziak, solasaldiak eta erakusketa bat prestatu dute. Jarduerak Golem Baiona eta Golem Yamaguchi zinema aretoetan egingo dituzte.
Zinexit – Giza Eskubideen Zinema Erakustaldiaren 11. edizioa azaroaren 22tik 26ra bitartean egingo dute. Giza eskubideen gaiarekin estuki lotutako urteko film aipagarriak ikusteko aukera izango da, arratsaldero 19:30ean, Bilboko Golem Alhondiga zine aretoan.
Emakumezko zinemagile nafarren arteko mahai-inguruarekin abiatu zuten joan zen ostiralean, ekainak 11, Zinemaren eta Emakumeen Nazioarteko Erakusketaren 35. ekitaldia Iruñean. Ordutik, hiru film luze proiektatu dituzte Golem zinemetan, eta mostra bihar itxi aurretik, beste bi luze eta bost labur izango dira ikusgai.
Zinema aretoak garai berezia bizitzen ari dira, eta hainbatek aldi baterako ixteko erabakia hartu badute ere, beste batzuek eraberritzearen eta eskaintza zabaltzearen alde egin dute, hala nola, Bilbon, Iruñean eta Madrilen zinemak dituen Golem kateak. Hala, Datorren zinema ekimena jarri dute abian, eta astebetean, Berlinen, Venezian, Toronton eta Donostian saritu dituzten filmak emango dituzte, 6 euroan.
IPES Fundazioaren eta Golem zinemen elkarlanari esker, Iruñea zinemaren topaleku bilakatzen ari da egunotan. Astelehenean ekin zioten Zinemaren eta Emakumeen 34. Erakusketa Internazionalari, eta irailaren 11ra bitartean bosna dokumental eta film labur proiektatuko dituzte.
